Kthehuni me gëzim për të ndihmuar të interesuarit
1 Të gjithë ata që zhvillojnë veprën nga shtëpia në shtëpi dëshirojnë të ndihmojnë ata që shfaqin interes. Dhënia e kësaj ndihme na jep gëzim të thellë dhe kënaqësi. (Krahaso Psalmin 126:5, 6) Por duhet përgatitje.
2 Përgatitja fillon duke bërë regjistrime të sakta të informacioneve që marrim nga shtëpia në shtëpi. Merrni shënime mbi argumentin e trajtuar në vizitën fillestare dhe mbi reagimin e të zotit të shtëpisë. Mund të merrni shënime edhe mbi mënyrën se si mendoni ta filloni bisedën kur të ktheheni.
3 Për shembull, nëse herën e parë keni përmendur lutjen «Ati ynë» dhe keni lënë broshurën «Qeveria», shkurtimisht mund të thoni:
◼ «Herën tjetër kemi folur se si do të bëhet vullneti i Perëndisë mbi tokë dhe mbi faktin që do të ketë paqe në çdo aspekt të jetës. Broshura që të kam lënë, shiko se çfarë thotë në faqen 29, në lidhje me bekimet e tjera që Mbretëria e Perëndisë do t’i sjellë njerëzimit.»
4 Nëse personi ka treguar se nuk beson në Perëndinë, mund të thoni:
◼ «Herën që kaloi kemi folur mbi argumentin që trajton apostulli Pavël në Hebrenjve 3:4, duke na furnizuar me arsye logjike për të përfunduar se duhet të ekzistojë një Qenie inteligjente që ka krijuar të gjitha gjërat.» Lexojeni përsëri dhe referojuni librezës A ekziston Perëndia i cili kujdeset për ne? në faqen 8, duke e rifilluar bisedën atje ku e keni lënë. Bëni pyetjen dhe pastaj lexoni paragrafin, duke lënë që të përgjigjet i zoti i shtëpisë. Nëse është praktike, ftojeni që të marrë broshurën e tij dhe të trajtoni së bashku këto informacione.
5 Nëse i zoti i shtëpisë, në vizitën fillestare ka lënë përshtypjen se është i kënaqur materialisht ose nga jeta që bën, mund t’i referoheni përsëri fletushkës A do të mbijetojë kjo botë? dhe lexoni çka thotë në faqen 6. Për të kuptuar se deri në ç’pikë është i interesuar, mund të kërkoni pikëpamjen e tij mbi ndonjë figurë ose deklaratë të përmbajtur në njërën nga revistat që po përdorni.
6 Mund të ndiqet e njëjta mënyrë me një artikull të Kullës së Rojës mbi të cilin keni folur. Kujtojini personit artikullin e përmendur në vizitën fillestare dhe pastaj citoni ndonjë pikë tjetër interesante në të njëjtin artikull ose në një revistë tjetër që keni me vete. Nëse është e mundur, lexoni ndonjë shkrim së bashku dhe pyeteni personin se çfarë mendon.
7 Nëse vërehet interes i mjaftueshëm, mund të ofrohet një pajtim. Zakonisht, bëhet vetëm pasi i zoti i shtëpisë të ketë dhënë prova se i vlerëson numrat e ndryshëm të revistave.
8 Kini parasysh se qëllimi është fillimi i një studimi biblik. Normalisht nevojiten disa vizita për të kultivuar interes të mjaftueshëm. Tregoni se interesoheni personalisht për të zotin e shtëpisë, duke u kthyer për ta vizituar sa më shpejt.
9 Lajmi i mirë që shpallim është burim i një gëzimi të madh. (Luka 2:10) Kur të interesuarit tregojnë se i çmojnë përpjekjet tona, kjo patjetër na gëzon. (Filip. 4:1) Le ta bëjmë tonin këtë gëzim, duke u kthyer për të ndihmuar të interesuarit që gjejmë në shërbim.