Mbikëqyrës që marrin drejtimin: Sekretari
1 Sekretari i kongregacionit luan rolin kryesor në sigurimin se «çdo gjë bëhet siç duhet dhe sipas rregullimit». (1. Kor. 14:40, BR) Si anëtar i Komitetit të Shërbimit të Kongregacionit, ai kujdeset për korrespondencat e kongregacionit dhe mbajtjen e regjistrimeve të rëndësishme. Megjithëse detyrat e tij mund të mos jenë aq të dukshme për të tjerët sa ato të pleqve të tjerë, shërbimet e tij janë shumë të nevojshme dhe të çmuara.
2 Kur merret korrespondenca e dërguar nga Shoqata ose nga të tjerë, sekretari merret me të dhe kujdeset që të jepet përgjigje kur është e nevojshme. Ai sigurohet që letrat që merren të qarkullohen ndërmjet pleqve dhe pastaj i arkivon ato për referime të mëtejshme. Gjithashtu, kontrollon formularët e kërkesave për revista dhe literaturë dhe ia dërgon ata Shoqatës. Ai mbikëqyr drejtpërdrejt ata që merren me llogarinë dhe pajtimet, si edhe me të gjitha çështjet që lidhen me kongresin.
3 Meqë sekretari duhet t’i dërgojë Shoqatës raportin mujor të shërbimit të kongregacionit, deri më datën gjashtë të muajit, është e domosdoshme që të gjithë ta raportojmë aktivitetin tonë në fushë menjëherë në fund të çdo muaji. Pastaj, ai i hedh raportet e shërbimit në skedat e Regjistrimit të Lajmëtarit të Kongregacionit. Çdo lajmëtar mund të kërkojë ta shohë regjistrimin personal të aktivitetit të tij.
4 Kur një lajmëtar vjen në kongregacion ose transferohet prej tij, sekretari kërkon nga pleqtë e kongregacionit tjetër ose u dërgon atyre një letër prezantimi bashkë me skedat e Regjistrimit të Lajmëtarit të Kongregacionit për atë person.—Të organizuar, faqe 104-105.
5 Sekretari rishikon aktivitetin e pionierëve, duke i informuar pleqtë dhe veçanërisht mbikëqyrësin e shërbimit për çdo problem që mund të përjetojnë pionierët. Ai u tërheq vëmendjen drejtuesve të Studimit të Librit, në lidhje me lajmëtarët që janë të parregullt në shërbim. Si sekretari, ashtu edhe mbikëqyrësi i shërbimit marrin drejtimin në bashkërendimin e përpjekjeve për t’u kujdesur për personat joaktivë.—Shërbimi ynë i Mbretërisë, nëntor 1987, faqe 1, anglisht.
6 Duke pasur një çmueshmëri më të mirë për detyrat e sekretarit, le të bëjmë atë që mundemi, për ta ndihmuar që ta ketë më të lehtë përmbushjen e caktimit të tij si ekonom.—1. Kor. 4:2.