Njoftime

◼ Literatura që do të ofrohet në shtator: Jeta: Si erdhi ajo këtu? Me evolucion apo me krijim? Tetor: Revistat Kulla e Rojës dhe Zgjohuni! Kur tregohet interes, ofro broshurën Çfarë kërkon? duke bërë një përpjekje të veçantë për të filluar studime biblike. Nëntor: Çfarë kërkon Perëndia prej nesh? ose Njohuria që të çon në jetën e përhershme. Nëse njerëzit i kanë tashmë këto, mund të ofrohet një botim më i vjetër. Dhjetor: Njeriu më i madh që ka jetuar ndonjëherë. Një mundësi tjetër mund të jetë Libri im i tregimeve biblike ose Ti mund të jetosh përgjithmonë në parajsë mbi tokë.

◼ Shërbimi ynë i Mbretërisë i tetorit 2002 duhet të shpërndahet vetëm pasi kongregacioni të ketë bërë kongresin krahinor.

◼ Pleqve u kujtohet të ndjekin udhëzimet e dhëna në Kullën e Rojës, gusht 1991, faqet 27-29, në lidhje me ndonjë të përjashtuar ose të vetëpërjashtuar që mund të ketë prirje për t’u rivendosur.

◼ Zyra e degës nuk i plotëson kërkesat individuale të lajmëtarëve për literaturë. Mbikëqyrësi drejtues duhet të përgatitë një njoftim çdo muaj, përpara se kërkesa mujore e kongregacionit për literaturën t’i dërgohet zyrës së degës, kështu që të gjithë të interesuarit për të marrë literaturë personale mund të njoftojnë vëllanë përgjegjës për literaturën. Ju lutemi kini parasysh se për cilat botime nevojitet një kërkesë e veçantë.

◼ Botimet mujore të Kullës së Rojës në gjuhën kreole të Haitit do të jenë në dispozicion, duke filluar me numrin e 1 shtatorit 2002.

◼ Botimet mujore të Kullës së Rojës në videokasetë në gjuhën amerikane me shenja do të jenë në dispozicion, duke filluar me numrin e 1 shtatorit 2002.

◼ Botimi gjysmëmujor i revistës Zgjohuni! në audiokasetë do të jetë në dispozicion në gjuhën koreane, duke filluar me numrin e 8 shtatorit 2002

◼ Fjalimi publik special për periudhën e Përkujtimit 2003 do të mbahet ditën e diel, 27 prill. Tema e fjalimit dhe skema do të jepen më vonë. Kongregacionet që atë fundjavë kanë vizitën e mbikëqyrësit qarkor ose ndonjë asamble, do ta kenë fjalimin special javën pasuese. Asnjë kongregacion nuk duhet ta mbajë fjalimin special përpara datës 27 prill 2003.

◼ Në muajin maj është formuar kongregacioni Spitallë në Durrës.

◼ Lajmëtarët e papagëzuar që dëshirojnë të pagëzohen në ndonjërën nga asambletë e ardhshme qarkore, janë të inkurajuar të flasin me mbikëqyrësin drejtues në kongregacionin e tyre. Ai do të marrë me kënaqësi masat që pleqtë të rishikojnë me kandidatët pyetjet nga libri Të organizuar.