Shkolla e Shërbimit Teokratik për vitin 2004
1 Jehovai i pajis njerëzit e thjeshtë që të kryejnë veprën me rëndësi mbarëbotërore. Një mënyrë me anë të së cilës e bën këtë është nëpërmjet stërvitjes që sigurohet çdo javë në Shkollën e Shërbimit Teokratik. A po merr pjesë sa më shumë që ta lejojnë rrethanat? Në janar do të fillojnë disa ndryshime me synimin për t’i ndihmuar studentët që të përfitojnë sa më shumë nga Shkolla.
2 Ndërrimi i këshilluesit ndihmës: Vëllezërit që mbajnë fjalimet e udhëzimit dhe pikat kryesore nga leximi i Biblës i kanë çmuar vërejtjet që u ka dhënë këshilluesi ndihmës. Në kongregacionet ku ka mjaft pleq të kualifikuar këshilluesi ndihmës mund të ndërrohet çdo vit me rotacion. Në këtë mënyrë mund të ndahet barra e punës, por më e rëndësishmja, pleqtë dhe shërbëtorët ndihmës të kualifikuar do të nxjerrin dobi nga përvoja e përbashkët e shumë oratorëve dhe mësuesve të aftë.
3 Programimi i rishikimit gojor: Në rast se kongregacioni juaj ka asamblenë qarkore javën e rishikimit gojor, atëherë rishikimi (bashkë me pjesën tjetër të programit javor) duhet të shtyhet një javë dhe programi i javës vijuese duhet zhvilluar javën e asamblesë. Megjithatë nuk është e nevojshme të këmbehen të tëra programet e dy javëve kur rishikimi gojor përkon me vizitën e mbikëqyrësit qarkor. Në vend të kësaj kënga, cilësia oratorike dhe pikat kryesore nga leximi i Biblës duhen mbajtur sipas programit. Fjalimi i udhëzimit (që mbahet pas cilësisë oratorike) duhet të merret nga programi i javës vijuese. Pas pikave kryesore nga leximi i Biblës do të bëhet Mbledhja e Shërbimit për gjysmë ore. Ajo mund të organizohet në mënyrë që të ketë ose tri pjesë prej 10 minutash, ose dy pjesë prej 15 minutash. (Njoftimet nuk duhen bërë.) Pas Mbledhjes së Shërbimit do të jetë kënga dhe një program prej gjysmë ore nga mbikëqyrësi qarkor. Në Shkollën e Shërbimit Teokratik për javën vijuese do të bëhen cilësia oratorike dhe pikat kryesore nga leximi i Biblës sipas programit dhe më pas rishikimi gojor.
4 Shfrytëzo çdo mundësi për t’u rritur frymësisht. Ndërsa nxjerr dobi nga arsimimi në Shkollën e Shërbimit Teokratik, ti inkurajon kongregacionin, luan një rol në plotësimin e profecisë biblike dhe i sjell lavdi Autorit të mesazhit të mrekullueshëm që duhet të shpallim.—Isa. 32:3, 4; Zbul. 9:19.