Kutia e pyetjes

◼ A është e përshtatshme t’i kopjojmë dhe t’i shpërndajmë materialet që do të trajtohen në Shkollën e Shërbimit Teokratik?

Kjo lejohet të bëhet për t’ua dhënë për përdorim personal pjesëtarëve të familjes ose një rrethi të ngushtë miqësor. Por këto materiale nuk mund të kopjohen për t’u shpërndarë në masë ose të jepen në këmbim të parave, pasi kjo do të ishte shkelje e së drejtës së autorit.—Rom. 13:1.

Për disa caktime në Shkollën e Shërbimit Teokratik, jepet vetëm tema dhe nuk jepet burim materiali. A është mirë që dikush të bëjë një listë me referime ose të përgatitë një burim materiali që mund ta përdorin ata që kanë caktimin? Jo. As përgjigjet e Rishikimit në Shkollën e Shërbimit Teokratik nuk duhet të përgatiten që t’u jepen të tjerëve, pasi kjo nuk do t’i ndihmonte të mbanin mend pikat kryesore nga rishikimi. Studentët duhet t’i bëjnë vetë kërkimet. Ky është një aspekt i rëndësishëm i stërvitjes që Jehovai siguron me anë të kësaj Shkolle për të na ndihmuar të flasim «gjuhën e të mësuarve».—Isa. 50:4.