Qiejt i japin lavdi Perëndisë

1. Sa her’ shoh qiejt, me yje zbukuruar,

gjith’ fjalët i humbas

e zhytem në mendim . . .

Je plot lavdi, plot fuqi, Ati im,

ti je Artisti më i madh,

i mençur pa mbarim!

2. Ësht’ ligji yt, i mir’ e i përkryer,

balsam për shpirtin tim,

për zemrën melodi.

E çdo këshill’ rrezaton mençuri,

si uj’ i jetës për këdo,

të vjetër a të ri.

3. Çdo fjal’ nga ti, si mjalt’ që rrjedh nga hojet.

I dua me gjith’ shpirt,

jan’ mbrojtje dhe drejtim.

Respekt të thell’ kam për ty, Ati im!

Përjetësisht ti je i denj’,

për lavde dhe nderim.