HARA

Vend ku mbreti asirian Tilgath-Pilneseri (Tiglath-Pileseri III) transportoi robër izraelitë. (1Kr 5:26) Në referime të ngjashme (2Mb 17:6; 18:11) për një mërgim të mëvonshëm në Asiri, thuhet se izraelitët i çuan në «qytetet e medëve» (teksti masoretik) ose në «malet e medëve». (LXX) Shumë studiues janë të mendimit se teksti i saktë mund të jetë ai i Septuagintës, dhe hedhin idenë se te 1 Kronikave 5:26 termi «Hara» (Hará, mbase një formë aramaike e fjalës hebraike për «mal» [har]) u bë emër i përveçëm kur shprehja «e medëve» u hoq pa dashje. Nëse kjo hipotezë është e saktë, «Hara» mund të jetë përdorur për «malet e medëve» në lindje të luginës së lumit Tigër. Gjithsesi, disa mendojnë se Gozani te 2 Mbretërve 17:6 dhe 18:11 është vend (si te Dio, DSF, ECM ) e jo lum dhe janë të mendimit se «Hara» mbase ishte emri që përdornin vendësit për një rajon malor në Turqi.