Punoje plotësisht territorin tënd
1 Në zonat e banuara, ne ndeshim herë pas here një vend të vogël tregtimi, të tillë si: dyqan ushqimesh, restorant apo dyqan shitjeje me pakicë. Nëse këto njësi duhen mbuluar bashkë me pjesën tjetër të këtij territori, ti duhet t’i vizitosh ato njësoj si dhe vendbanimet.
2 Mund të përdorësh një prezantim të thjeshtë e të shkurtër, ndoshta duke thënë: «Kam diçka që do të kisha dëshirë t’jua tregoja.» Nëse pronari duket i zënë atë çast, ndoshta mund t’i ofrosh vetëm një fletushkë dhe t’i thuash: «Do të vij përsëri kur të mos jeni kaq i zënë. Do të desha të dija se çfarë mendoni për atë që thotë fletushka.»
3 Nuk duhet të ndihesh i shqetësuar lidhur me bërjen e kësaj dëshmie. Një lajmëtar tregoi: «Prisja që përgjigjja të ishte e pafavorshme, por për çudinë time reagimi ndaj lajmit të Mbretërisë ishte krejtësisht i kundërt. Ata ishin vërtet të sjellshëm e miqësorë dhe i pranonin revistat pothuajse gjithmonë.»
4 Një grua që punonte në një kompani shit-blerjeje, i ftoi Dëshmitarët në zyrën e saj, pranoi revistat dhe shprehu interesimin për të bërë një studim biblik. I treguan librin Njohuria dhe studimi filloi menjëherë, pikërisht në zyrën e saj!
5 Caktimi për të punuar plotësisht territorin tënd, përfshin bërjen e vizitave tek individët që punojnë në pikat e tregtimit të lagjes. (Veprat 10:42) Planifiko bërjen e vizitave në këto dyer, njësoj si në ato të shtëpive të personave. Kështu, jo vetëm që do ta mbulosh më mirë territorin tënd, por mund të shpërblehesh me përvoja të këndshme!