Një mijë e pesëqind!

Ky është numri i lajmëtarëve që do të donim të shihnim të raportonin për muajin gusht 1998 në Shqipëri. A i kemi mundësitë për ta arritur këtë? Po! Llogaria e fundit e aktivitetit të kongregacioneve në vend tregon mbi 2.700 studime biblike. Pjesëmarrja në mbledhje është nga 150 deri në 200 përqind. Ata që janë regjistruar në Shkollën Teokratike duhet të kualifikohen si lajmëtarë, madje mund të fillojnë në shërbim që tani! Deri në mars të këtij viti maksimumi është 1.319 lajmëtarë. Si mund ta kalojmë këtë numër rekord? Mund të arrihet nëse çdo lajmëtar në kongregacion bën rregullime të përcaktuara për të marrë pjesë në shërbim gjatë gushtit dhe e raporton menjëherë këtë aktivitet. Pasi dy ditët e para të muajit janë e shtuna dhe e diela, përse të mos planifikosh që ta fillosh shërbimin që atë fundjavë? Nëse do të jesh me pushime, mund të arrish të japësh atje njëfarë dëshmie joformale dhe pastaj të marrësh pjesë në shërbim me kongregacionin fundjavën tjetër. Duke nisur që në fillim të muajit, nuk do të humbim rastin për të dedikuar një sasi kohe në veprën e dëshmisë gjatë gushtit. Me përpjekje të bashkuara, do të shohim një maksimum të paarritur ndonjëherë që e kalon synimin e 1.500 lajmëtarëve, për herë të parë në Shqipëri. Çfarë britme lavdërimi që do të jetë kjo për Jehovain!​—Psal. 47:1.