Seri dokumentarësh në DVD

DVD-ja me titull Alternativat e transfuzionit​—Seri dokumentarësh, përmban tri videokaseta. E para, Transfuzioni: Strategjitë alternative​—të thjeshta, të sigurta, të efektshme, është bërë enkas për doktorët dhe për studentët e mjekësisë, prandaj ka më shumë skena ndërhyrjesh mjekësore sesa dy videokasetat e tjera. E dyta, Transfuzioni: Kujdesi mjekësor alternativ plotëson nevojat dhe të drejtat e pacientit, është bërë veçanërisht për gazetarët e mjekësisë, punonjësit e shëndetësisë, punonjësit socialë dhe për sistemin gjyqësor. Ajo shqyrton se si mund të tregohet kujdes për nevojat e pacientit, duke pasur parasysh edhe të drejtat e tij ligjore. E treta, Jo Gjak: Mjekësia përballon sfidën, është bërë kryesisht për publikun e gjerë. Megjithëse DVD-ja nuk disponohet në shqip, ajo mund të gjendet në gjuhë të tjera si: në gjuhën angleze, frënge, gjermane, italiane, japoneze, portugeze (braziliane), ruse dhe spanjolle. Ju lutemi, mos ngurroni t’ia tregoni këtë DVD doktorit tuaj, studentëve të Biblës, bashkëshortit jobesimtar, të afërmve, mësuesve, si edhe shokëve të punës e të shkollës.