Çfarë të themi për revistat?

Kulla e Rojës 15 qershor

«A mendoni se mund të jemi të lumtur, edhe pse kemi probleme? [Të presim përgjigjen.] Kjo revistë e drejton vëmendjen te një burim udhëheqjeje që mund të na ndihmojë të përballojmë me sukses problemet e jetës. Flet edhe për fuqinë që të jep shpresa.» Të lexojmë Zbulesën 21:3, 4.

Zgjohuni! qershor

«Nga katastrofat që kanë ndodhur kohët e fundit kemi kuptuar sa e rëndësishme është t’u vësh veshin paralajmërimeve, a s’është kështu? [Të presim përgjigjen.] Në këtë artikull shqyrtohen disa mësime që nxorën të mbijetuarit nga uragani Katrina. Flitet edhe për një paralajmërim të cilit duhet t’ia vëmë veshin të gjithë ne sot.» Prezanto artikullin që fillon në faqen 14.

Kulla e Rojës 1 korrik

«Në këtë botë të trazuar, shumë njerëz pyesin: ‘Pse jeta është e mbushur me probleme? Nëse ka Perëndi, pse nuk bën diçka për t’i hequr vuajtjet?’ E keni pyetur ndonjëherë veten për këtë? [Të presim përgjigjen.] Kjo revistë përmban përgjigjet e dobishme të Biblës për këto pyetje.» Të lexojmë 2 Timoteut 3:16.

Zgjohuni! korrik

«Gjithnjë e më shumë martesat sot po hasin vështirësi. A mendoni se çiftet do të përfitonin po të zbatonin këtë këshillë të frymëzuar? [Të lexojmë Efesianëve 4:32. Pastaj të presim përgjigjen.] Në këtë numër të revistës Zgjohuni!, shqyrtohen disa parime praktike nga Bibla, që na ndihmojnë të kemi një martesë të lumtur.»