Çfarë të themi për revistat?

Kulla e Rojës 15 qershor

«Të edukosh fëmijët në botën e sotme është shumë e vështirë apo jo? Ju si mendoni? [Ta lëmë të përgjigjet.] Megjithatë prindërit mund t’ia dalin mbanë. Kjo që do t’ju lexoj na siguron për këtë. [Të lexojmë Fjalët e urta 22:6.] Ky numër i Kullës së Rojës jep disa këshilla praktike që ndihmojnë prindërit se si t’ia dalin mbanë të edukojnë fëmijët.»

Zgjohuni! 22 qershor

«Disa mendojnë se nuk është shkencore të besosh te Perëndia. Po ka shkencëtarë që thonë se shkenca në të vërtetë e mbështet ekzistencën e një Krijuesi. Ju, a keni dëgjuar për këtë? [Ta lëmë të përgjigjet.] Ky numër i Zgjohuni! shqyrton disa prova që i kanë shtyrë këta të arrijnë në këtë përfundim.» Të lexojmë Romakëve 1:20.

Kulla e Rojës 1 korrik

«Në kohë mjerimi, shumë pyesin nëse Perëndia kujdeset me të vërtetë për njerëzit apo jo, nëse i shikon vuajtjet e tyre apo nuk i vë re ato. Po ju, a ia keni bërë ndonjëherë vetes këto pyetje? [Ta lëmë të përgjigjet.] Kjo revistë flet për mënyrën se si kujdeset Perëndia për ne sot dhe çfarë ka bërë ai për t’i dhënë fund gjithë vuajtjeve.» Të lexojmë Gjonin 3:16.

Zgjohuni! 8 korrik

«Për shumë njerëz mosha e adoleshencës është një moshë e bukur, por edhe plot vështirësi. A nuk mendoni edhe ju kështu? [Ta lëmë të përgjigjet.] Kjo revistë flet për ndryshimet që kalojnë adoleshentët. Ajo jep edhe këshilla të mençura që ndihmojnë për t’i kaluar vitet e adoleshencës në mënyrën më të mirë që është e mundur.» Të lexojmë Eklisiastiun 12:1.