Kutia e pyetjes

◼ A është e përshtatshme që te literatura që shpërndajmë, të vëmë adresën personale të Internetit?

Disa lajmëtarë u bashkangjisin revistave ose fletushkave adresën e tyre të Internetit duke e stampuar ose duke vënë një etiketë të shtypur. Pastaj ata që pranojnë literaturën mund të lidhen me lajmëtarin nëse duan të mësojnë më shumë. Këto përpjekje për të ndihmuar të interesuarit bëhen me qëllim të mirë. Megjithatë, siti ynë zyrtar në Internet tashmë jepet në faqen e fundit të revistave apo të fletushkave. Kështu që është më mirë të mos e vëmë adresën personale të Internetit te literatura.

Nëse një lajmëtar do t’u lërë ose jo njerëzve në territor ndonjë adresë të tijën në një copë letër, sidomos kur bën rivizita, kjo është zgjedhje personale. Duhet ta marrim ne iniciativën për të vizituar sërish të interesuarit, në vend që t’ua lëmë atyre në dorë të lidhen me ne për të mësuar më shumë. Interesi i vërtetë për njerëzit mund të tregohet më mirë kur flasim me ta drejtpërdrejt.