Përgatitja—Një çelës për rivizita të efektshme
1. Deri ku do të përhapej shërbimi i krishterë në kohët e hershme?
1 Jezui i përgatiti mirë dishepujt e tij që të ishin predikues të efektshëm të ‘lajmit të mirë për mbretërinë’. (Mat. 4:23; 9:35) Ai i stërviti ndërsa predikonin vetëm në Palestinë. Por, para se të ngjitej në qiell, Jezui tregoi se shërbimi i krishterë do të përhapej në mbarë botën, që ‘të bëheshin dishepuj njerëz nga të gjitha kombet’.—Mat. 28:19, 20.
2. Çfarë përfshihet në urdhërimin e Jezuit ‘për të bërë dishepuj’?
2 Kjo vepër do të përfshinte rivizitat tek ata që shfaqnin interes për lajmin e mirë për Mbretërinë e Perëndisë, dhe ndihmën për t’i mësuar si t’u përmbaheshin të gjitha urdhërimeve të Krishtit. Që të bëjmë rivizita të tilla të efektshme, duhet të përgatitemi mirë.
3. Si mund të hidhni bazën për një rivizitë që bisedën e parë?
3 Të planifikojmë që më përpara: Disa lajmëtarë përpiqen të bëjnë një pyetje në fund të bisedës së parë dhe premtojnë të kthehen një herë tjetër për përgjigjen. Ata kanë kuptuar se, nëse gjatë rivizitës i referohen informacionit në librin Çfarë mëson vërtet Bibla?, arrijnë të fillojnë menjëherë një studim biblik.
4. Pse nuk duhet ta vonojë një rivizitë derisa të marrim numrat e rinj të revistave?
4 Fakti që kemi vetëm dy revista çdo muaj nuk do të thotë se duhet të presim të marrim revistat e muajit tjetër për të bërë rivizitën. Mund t’ia shtojmë interesin personit duke biseduar për revistat që i kemi dhënë tashmë.
5. Pse është mirë të kemi një synim në mendje?
5 Të kemi një synim: Para se të kthehemi për rivizitën, t’u hedhim një sy shënimeve për pak minuta dhe të përcaktojmë çfarë duam të arrijmë. Për shembull, të flasim për një temë nga botimet që i kemi lënë më parë. Ose t’i lëmë botime shtesë që lidhen me bisedën e mëparshme. Nëse herën e fundit që folëm, lamë një pyetje pezull, kuptohet që duhet të kemi si synim edhe t’i përgjigjemi kësaj pyetjeje. Kur theksojmë një shkrim që mbështet pikën për të cilën po flasim, të përpiqemi ta lexojmë drejtpërdrejt nga Bibla.
6. Cili është qëllimi ynë kur bëjmë një rivizitë?
6 Qëllimi ynë: Sigurisht, qëllimi ynë është të fillojmë një studim biblik. Një vëlla i ofroi një burri një studim biblik gjatë rivizitës, por ai nuk pranoi. Vëllai u kthye përsëri me numrat e fundit të revistave dhe tha: «Meqë jemi këtu, po i japim përgjigje nga Bibla një pyetjeje që bëjnë njerëzit.» Pasi mori mendimin e tij, vëllai lexoi një shkrim dhe një paragraf që lidhej me pyetjen, nga një botim i përdorur për studim biblik. Kështu, filloi të studionte rregullisht Biblën me të.
7. Si ju ka ndihmuar përgatitja e mirë të filloni një studim biblik?
7 Përpjekjet për t’u përgatitur për rivizitat, ia vlejnë. Do të gjejmë më tepër gëzim, dhe mund të kemi privilegjin të ndihmojmë një nga ata që ‘janë të prirur’ drejt udhës së jetës.—Vep. 13:48.