Çfarë të themi për revistat?

Kulla e Rojës 1 shtator

«Ku mendoni se mund të gjejmë këshilla të mençura kur na duhet të marrim vendime të rëndësishme? [Të presim përgjigjen. Të lexojmë Proverbat 3:5, 6.] Ky artikull thekson se, sipas Perëndisë, është e mençur të mendojmë për pasojat para se të marrim një vendim.» T’i tregojmë artikullin në faqen 8.

Zgjohuni! shtator

«A mendoni se Perëndia donte që njerëzit të vuanin nga mungesa e ushqimit që po e rrënon tokën sot? [Të presim përgjigjen.] Shikoni si ka menduar ai ta zgjidhë këtë problem. [Të lexojmë Psalmin 72:16.] Ky artikull shpjegon se si do ta rivendosë Perëndia Parajsën në tokë.» Pastaj i tregojmë artikullin në faqen 7.

Kulla e Rojës 1 tetor

«Në këto kohë të paqëndrueshme, shumë janë në ankth për të ardhmen. Çfarë ju ndihmon të jeni optimist për të ardhmen? [Të presim përgjigjen.] Shikoni se çfarë premton Bibla. [Të lexojmë Isainë 65:17.] Kjo revistë jep arsye të vlefshme pse duhet të jemi optimistë për të ardhmen.»

Zgjohuni! tetor

«Interneti është i dobishëm, por ai paraqet edhe rreziqe të mëdha për fëmijët. Si mendoni se mund t’i mbrojmë fëmijët? [Të presim përgjigjen.] Ju lutemi, shikoni se çfarë thuhet këtu. [Të lexojmë dhe të shpjegojmë Proverbat 18:1.] Ky është një nga gjashtë parimet që ky artikull nxjerr në pah si ndihmë për prindërit që të mbrojnë fëmijët e tyre.» Pastaj i tregojmë artikullin në faqen 8.