A mund ta zgjerosh shërbimin?
1. Çfarë urgjence ka në lidhje me shërbimin dhe pse?
1 Duke parë interesin që treguan shumë e shumë njerëz ndaj lajmit të mirë për Mbretërinë, Jezui i nxiti dishepujt që ‘t’i luteshin Zotërisë të të korrave, që të dërgonte punëtorë në të korrat e tij’. (Mat. 9:37, 38) Meqë jemi në orët e fundit të kohës së korrjes, vepra jonë është edhe më urgjente se kurrë më parë. Kjo do të thotë se duhet të lutemi e të mendojmë se si mund të bëjmë edhe më shumë në shërbim.—Gjoni 14:13, 14.
2. Si i janë përgjigjur disa thirrjes për më shumë punëtorë në veprën e korrjes?
2 Si mund ta zgjerosh shërbimin: Me drejtimin dhe ndihmën e Jehovait, shumë kanë mundur të fillojnë shërbimin si pionierë. (Psal. 26:2, 3; Filip. 4:6) Disa kanë bërë përpjekje të veçanta për të shërbyer si pionierë ndihmës një ose disa muaj në vit. Kjo ka qenë për ta një mënyrë e shkëlqyer për të zgjeruar shërbimin. Lumturia që vjen nga ky privilegj, ka bërë që shumë prej tyre të mendonin të bëheshin pionierë të rregullt.—Vep. 20:35.
3. Nëse ke shërbyer si pionier më parë, për çfarë mund të mendosh tani?
3 A mund ta rifillosh shërbimin si pionier?: Nëse më parë ke shërbyer si pionier, pa dyshim ke kujtime të bukura nga ato kohë. A ke menduar dhe a je lutur për mundësinë që ta fillosh përsëri shërbimin si pionier? Shkaqet që të shtynë të largoheshe nga radhët e pionierëve, mund të mos jenë më një pengesë për ty. Ndoshta ka ardhur koha që ta gëzosh përsëri këtë privilegj të veçantë.—1 Gjon. 5:14, 15.
4. Ç’mundësi unike shtrihet përpara nesh?
4 Vepra e korrjes ka filluar prej kohësh dhe shumë shpejt do të mbarojë. (Gjoni 4:35, 36) Le të shqyrtojmë të gjithë ne rrethanat e tanishme për të parë nëse mund t’i rregullojmë punët tona që të marrim pjesë më shumë në shërbim. Ose, nëse vërtet nuk mund ta zgjerojmë shërbimin, a mund të kërkojmë mënyra për të qenë më të efektshëm? (Mar. 12:41-44) Ç’privilegj kanë përpara tyre të gjithë ata që rrethanat u lejojnë të përdoren nga Jehovai në veprën unike të shërbimit si pionier!—Psal. 110:3.