Zgjeroje thesarin tënd të shërbimit të Mbretërisë
1 Jezui e krahasoi shpresën e Mbretërisë me një thesar të paçmuar. (Mat. 13:44-46) A jemi ne si njerëzit e ilustrimeve të Jezuit të cilët shitën të gjitha zotërimet e tyre për të blerë diçka me vlerë më të madhe? Nëse po, ne do t’i japim përparësi Mbretërisë së Perëndisë, edhe pse kjo mund të përfshijë telashe dhe vetëmohim.—Mat. 6:19-22.
2 Meqë shërbimi ynë i Mbretërisë është një thesar, dëshira jonë duhet të jetë për ta zgjeruar atë. Çfarë tregon drejtimi i jetës sonë personale? A po e zgjerojmë veprimtarinë e Mbretërisë? Ne mund të bëjmë kështu duke marrë pjesë në aspektet e ndryshme të shërbimit, duke përfshirë veprën nga shtëpia në shtëpi, rivizitat, drejtimin e studimeve biblike dhe të dëshmuarit joformal.
3 «Si mund ta zgjeroj pjesëmarrjen time?» Me fillimin e një viti të ri shërbimi, është mirë për cilindo prej nesh të rishikojë veprimtarinë e vet personale, për të parë se çfarë mund të bëjë për të rritur kohën e shpenzuar në shërbimin në fushë dhe të pyesë: «A mund t’i rregulloj punët e mia në mënyrë që të filloj si një pionier ndihmës herë pas here apo ndoshta edhe vazhdimisht? Me ndonjë rregullim të vogël, a mund të filloj shërbimin si pionier i rregullt?» Pionierët e rinj që fillojnë nga 1 shtatori, kualifikohen për të marrë pjesë në Shkollën e Shërbimit për Pionier vitin tjetër.
4 Disa lajmëtarë, kanë vënë një synim personal për të bërë më shumë dëshmi joformale. Shpesh, kjo veprimtari prodhon fryte të mira. Të tjerë, mund të ndiejnë nevojën për t’u përmirësuar në bërjen e rivizitave të efektshme ose në fillimin e studimeve të reja biblike.
5 Nëse nxjerrim si përfundim se shërbimi ynë në ndonjë mënyrë është i kufizuar, çfarë mund të bëjmë për ta zgjeruar atë? Ata që me sukses kanë arritur synime të larta, na porositin që së pari të marrim një vendim për të vënë në vend të parë interesat e Mbretërisë, pa marrë parasysh se sa do të na kushtojë. (Mat. 6:33) Është i nevojshëm besimi dhe mbështetja e plotë në Jehovain. (2. Kor. 4:7) Kërko ndihmën e tij përmes lutjes së sinqertë dhe të vazhdueshme. (Luka 11:8, 9) Ne mund të kemi besim se Jehovai do t’i bekojë përpjekjet tona të sinqerta për të rritur pjesëmarrjen tonë në shërbimin e tij.—1. Gjon. 5:14.
6 Fol me vëllezër dhe motra të tjerë të cilët e kanë zgjeruar me sukses shërbimin e tyre. Pyeti ata se si kanë mundur t’i kalojnë pengesat pa u shkurajuar. Përvojat e tyre personale mund të jenë tamam ajo që nevojitet për t’u bindur se një shërbim i zgjeruar nuk është i paarritshëm.
7 Kur lexon artikujt e Kullës së Rojës apo të fletushkës Shërbimi Ynë i Mbretërisë që kanë të bëjnë me shërbimin në fushë, konsidero në lutje se si mund t’i aplikosh ato sugjerime në shërbimin tënd. Bëj të njëjtën gjë kur merr pjesë në mbledhjet e kongregacionit apo në asamble. Sugjerimet e ofruara në këtë artikull janë të bazuara në një bisedë që ishte pjesë e programit të asamblesë qarkore për vitin e fundit. Është e para e një serie artikujsh, të caktuar për të na ndihmuar të ecim përpara dhe të aplikojmë inkurajimin e siguruar nga ky program.
8 Jezui e konsideroi shërbimin e tij në mënyrë shumë serioze, duke e bërë atë një çështje kryesore. Ai deklaroi: «Ushqimi im është të bëj vullnetin e atij që më dërgoi.» (Gjon. 4:34, Dio) A ndiejmë edhe ne të njëjtën gjë? Nëse po, me siguri do të gjejmë mënyra për të zgjeruar veprimtarinë tonë dhe për të ndarë «gjëra të mira» me të tjerët nga thesari ynë.—Mat. 12:35; Luka 6:45.