Ji një ndihmës i mirë gjatë shërbimit
1. Çfarë dobish vijnë duke qenë me një lajmëtar tjetër në shërbim?
1 Në një rast, Jezui dërgoi 70 dishepuj të predikonin dhe «i dërgoi përpara dy e nga dy». (Luka 10:1) Pa dyshim, kjo masë u dha mundësi dishepujve të ndihmonin e të inkurajonin njëri-tjetrin ndërsa predikonin. Si mund të jemi të dobishëm kur shoqërojmë një lajmëtar tjetër në shërbim?
2. Si dhe pse duhet të dëgjojmë kur shoku i shërbimit bën prezantimin?
2 Duke dëgjuar: Dëgjo me vëmendje teksa shoku i shërbimit bën prezantimin. (Jak. 1:19) Nëse lexohet një shkrim, ndiqe leximin në Biblën tënde. Vështro tek ai që po flet, qoftë lajmëtari, qoftë i zoti i shtëpisë. Kur i kushton shumë vëmendje bisedës, kjo mund ta nxitë të zotin e shtëpisë të bëjë të njëjtën gjë.
3. Kur mund ta mirëpresë shoku yt i shërbimit ndërhyrjen tënde?
3 Duke kuptuar se kur duhet të flasësh: Kur jemi me një lajmëtar që po bën prezantimin, i japim dinjitet atij duke e lejuar të drejtojë bisedën. (Rom. 12:10) Nuk duhet ta ndërpresim. Nëse ai harron çfarë donte të thoshte ose i zoti i shtëpisë kundërshton a bën një pyetje dhe lajmëtari kërkon ndihmë, le të përpiqemi të plotësojmë atë që ka thënë lajmëtari, në vend që të nisim një temë tjetër. (Prov. 16:23; Ekl. 3:1, 7) Kur flasim, fjalët tona duhet të ndihmojnë për dëshminë që po jepet.—1 Kor. 14:8.
4. Çfarë do të na ndihmojë të kemi gëzim dhe sukses në shërbim?
4 Pasi 70 dishepujt predikuan dy e nga dy, «u kthyen të gëzuar». (Luka 10:17) Edhe ne do të kemi gëzim dhe sukses, ndërsa dëgjojmë gjatë shërbimit dhe kuptojmë se kur duhet të flasim për të ndihmuar lajmëtarin që shoqërojmë.