A e ke përdorur faqen e fundit?

Kur njerëzit marrin një revistë, zakonisht i hedhin një sy kopertinës e pastaj instinktivisht e kthejnë për të parë faqen e fundit. Faqja e fundit e Kullës së Rojës për publikun ka disa pyetje dhe pohime që ngjallin interes, si dhe numrat e faqeve ku mund të gjenden ato informacione.

Këtë faqe mund ta përdorim si burim idesh për të gjetur pyetje që të fillojmë një bisedë. Nëse dalim shpesh në territor, mund t’i ndryshojmë prezantimet duke përdorur pyetje të ndryshme gjatë gjithë muajit. Kur i zoti i shtëpisë është i zënë, mund ta shkurtojmë prezantimin duke i treguar një nga pyetjet në faqen e fundit dhe i themi: «Nëse doni të dini përgjigjen, mund t’jua lë këto revista dhe të flasim më shumë kur të keni kohë.» Disa lajmëtarë ndoshta mund ta fillojnë bisedën duke i treguar të zotit të shtëpisë faqen e fundit dhe duke e ftuar të zgjedhë një pyetje që i intereson. Pastaj mund t’i tregojnë me gisht se ku ndodhet përgjigjja dhe t’i lexojnë një shkrim të zgjedhur që më përpara. Ndoshta mund të keni ndonjë ide tjetër si ta përdorni faqen e fundit që të nxitni interesin për revistën Kulla e Rojës.