Prezantime model

Për të filluar studime biblike të shtunën e parë të marsit

«Shumë njerëz festojnë ditëlindjen e Jezuit, por a mendoni se është e rëndësishme të kujtojmë vdekjen e tij?» Presim përgjigjen. Pastaj i japim një kopje të revistës Kulla e Rojës të 1 marsit dhe shqyrtojmë së bashku materialin poshtë nëntitullit të parë në faqen 16 dhe të paktën një nga shkrimet. Lëmë takim që të kthehemi për të parë përgjigjen e pyetjes vijuese.

Kulla e Rojës 1 mars

«Ka shumë kisha dhe grupe fetare me bindje dhe praktika të ndryshme. A mendoni se kushdo që thotë se është i krishterë është vërtet i krishterë? [Presim përgjigjen.] Sipas asaj që tha Jezui, kjo është një nga shenjat identifikuese e të krishterëve të vërtetë. [Lexojmë Gjonin 13:34, 35.] Kjo revistë shqyrton pesë pohime të Jezuit që na ndihmojnë të identifikojmë dishepujt e tij të vërtetë.»

Zgjohuni! mars

«Po flitnim sot me fqinjët tanë për një prirje shqetësuese. Duket se njerëzit po zemërohen gjithnjë e më shumë dhe e humbin më kollaj vetëkontrollin. Si mendoni, pse ndodh kjo? [Presim përgjigjen.] Vini re çfarë thotë Bibla për zemërimin. [Lexojmë Psalmin 37:8.] Kjo revistë tregon disa arsye pse po zemërohen gjithnjë e më shumë njerëzit dhe disa mënyra për të ruajtur vetëkontrollin.»