Dëshmitarët e Jehovait—Besimi në veprim, Pjesa 1: Nga errësira në dritë frymore
Në Bibël, e vërteta krahasohet me dritën, kurse errësira me gënjeshtrën. (Psal. 43:3; Isa. 5:20) Satanai e solli errësirën në botë kur mashtroi Evën dhe si rrjedhojë e zhyti njerëzimin në errësirë të thellë. (Zbul. 12:9) Videoja Dëshmitarët e Jehovait—Besimi në veprim, Pjesa 1: Nga errësira në dritë frymore tregon si filloi të shkëlqente drita frymore në mes të errësirës. (Isa. 60:1, 2) A mund t’u përgjigjeni këtyre pyetjeve pasi të shihni videon?
(1) Si u shfaq errësira e thellë pas vdekjes së apostujve? (2) Duke filluar në shekullin e 12-të, çfarë ngjarjesh i ndihmuan njerëzit të dallonin se kisha kishte devijuar nga mësimet e vërteta? (3) Cilët ishin Henri Gru dha Xhorxh Storsi? (4) Cilat ngjarje në jetën e Çarls Rasëllit patën një ndikim të thellë tek ai? (5) Si e drejtonin klasën e tyre për studimin e Biblës vëlla Rasëlli, babai i tij e disa të njohur dhe në ç’përfundime biblike arritën? (6) Si ndodhi që ky grup i studimit të Biblës u bashkua me grupin e Nelson Barbërit, por çfarë e shtyu vëlla Rasëllin të tërhiqej? (7) Çfarë ndodhi në korrik të 1879-ës që i dha shtysë fillimit të një epoke të re të dritës frymore? (8) Ç’bënë më pas Studentët e Biblës, numri i të cilëve rritej gjithnjë e më tepër, për të shpërndarë lajmin e mirë? (9) Vite më përpara, çfarë pritnin Studentët e Biblës të ndodhte në 1914-ën? (10) Çfarë sprovash patën Studentët e Biblës pasi vdiq vëlla Rasëlli? (11) Çfarë bënë Studentët e Biblës pasi u liruan nga burgu vëlla Radhërfordi dhe shokët e tij? (12) Si jua ka rritur kjo video kuptueshmërinë dhe mirënjohjen për organizatën e Jehovait? (13) Si ju ka bërë më të vendosur të vazhdoni të predikoni me zell me gjithë pengesat? (14) Si mund ta përdorim këtë video për të ndihmuar të afërmit tanë, studentët biblikë dhe të tjerë?
Ç’trashëgimi të çmuar frymore na kanë lënë këta Studentë të hershëm të Biblës! Ata ishin pishtarë të guximshëm dhe të zellshëm në një botë të zhytur në errësirë frymore. Le të imitojmë shembullin e tyre dhe ‘të vazhdojmë të ecim si fëmijë të dritës’.—Efes. 5:8.