Jepini rëndësi fillimit të studimeve biblike të shtunën e parë

Duke filluar nga maji i vitit 2011, lajmëtarët u inkurajuan që të përpiqen të nisin studime biblike të shtunën e parë të çdo muaji. Për këtë, është përgatitur një rubrikë që del rregullisht në botimin për publikun të Kullës së Rojës me titull «Përgjigje për pyetje biblike». Ja pse, në mbledhjen për shërbim që mbahet të shtunën e parë, duhet treguar si mund të përdoret kjo rubrikë për të filluar studime biblike dhe duhet bërë një demonstrim.

Pleqtë mund të zgjedhin që të shtunën e parë t’i mbajnë mbledhjet për shërbim të ndarë sipas grupeve ose t’i bashkojnë të gjitha grupet e ta bëjnë mbledhjen në Sallën e Mbretërisë. Gjithsesi, nëse Sallën e përdorin disa kongregacione, asnjë nga këto kongregacione nuk duhet ta spostojë këtë ditë të veçantë për të filluar studime, vetëm që të bëhet një mbledhje për shërbim me gjithë grupet bashkë.