Si të mprehim aftësitë në shërbim?​—Të hedhim bazën për rivizitë

Pse ka rëndësi? Kur gjejmë dikë që shfaq interes, duam ta rivizitojmë kur të jetë në shtëpi që të ujitim farat e së vërtetës që kemi mbjellë. (1 Kor. 3:6) Shpesh kjo kërkon që, para se të ikim, të hedhim bazën për rivizitë duke marrë vesh se kur mund ta gjejmë sërish në shtëpi. Veç kësaj, është mirë të lëmë një pyetje që ta trajtojmë herën tjetër kur ta vizitojmë. Kështu i zoti i shtëpisë do ta presë me dëshirë vizitën dhe nëse përgjigjja e asaj pyetjeje gjendet në botimin që i lamë, ka më shumë mundësi që ta lexojë. Duke hedhur bazën për bisedën tjetër e kemi edhe më të lehtë të rikthehemi ngaqë tashmë tema e bisedës është vendosur dhe i zoti i shtëpisë e di çfarë do të diskutohet. Kur e takojmë sërish, mund t’i shpjegojmë se jemi kthyer për t’ju përgjigjur pyetjes që kemi lënë herën e kaluar, dhe vazhdojmë bisedën.