Të mprehim aftësitë në shërbim​—Si të bësh një rivizitë

PSE KA RËNDËSI: Shumë njerëz që shfaqin interes për mesazhin e Mbretërisë, po kërkojnë të vërtetën për Perëndinë. (Is 55:6) Që t’i mësojmë në mënyrë progresive, duhet t’i rivizitojmë rregullisht. Njerëzit përballen me sfida të ndryshme, ndaj edhe mënyrat si ua kultivojmë interesin janë të ndryshme. Sidoqoftë, do të kemi më shumë rezultat nëse përgatitemi mirë dhe nëse kemi një objektiv në çdo vizitë, pa harruar që synimi ynë kryesor është të nisim një studim biblik.

SI TA ZBATOSH:

• Përpiqu të kthehesh pa vonesë, mbase brenda disa ditësh.​—Mt 13:19.

• Ji miqësor dhe i respektueshëm. Përpiqu të jesh i qetë.

• Fillo me një përshëndetje të ngrohtë. Përdor emrin e personit. Kujtoji pse je kthyer​—mbase për t’iu përgjigjur një pyetjeje, t’i sjellësh revistën e re, t’i tregosh sitin tonë, t’i tregosh një video ose t’i demonstrosh si bëhet një studim biblik. Përshtati komentet nëse personi shpreh interes për një temë tjetër.​—Fi 2:4.

• Ujite farën e së vërtetës që është mbjellë në zemrën e tij me një mendim nga Shkrimet e ndoshta duke lënë ndonjë botim. (1Ko 3:6) Përpiqu të krijosh shoqëri me të.

• Hidh bazat për vizitën e ardhshme.