Si të mprehim aftësitë në shërbim—Të tregojmë interes personal

Pse ka rëndësi? Jezui i shihte njerëzit si individë dhe tregoi interes të dashur për ta. Për shembull, kur shëroi një burrë që nuk dëgjonte, vetëm se mund të ketë kuptuar që ishte në siklet, e mori mënjanë, larg syve të njerëzve. (Mar. 7:31-35) Ai tregohej dashamirës dhe merrte parasysh kufizimet e dishepujve e nuk i mbyste me informacione. (Gjoni 16:12) Edhe nga pozita e tij qiellore, Jezui vazhdon të tregojë interes personal. (2 Tim. 4:17) Si dishepuj të tij, duam ta imitojmë Krishtin. (1 Pjet. 2:21; 1 Gjon. 3:16, 18) Për më tepër, do të jemi më të efektshëm në shërbim nëse tregohemi dashamirës ndaj të zotit të shtëpisë dhe marrim parasysh rrethanat e tij unike, gjërat që i interesojnë dhe e shqetësojnë. Ai do të jetë më i prirur të na dëgjojë nëse kupton se nuk jemi aty thjesht me mision për të dhënë një mesazh ose për të shpërndarë literaturë, por sepse interesohemi për të personalisht.