Prezantime model

Për të filluar studime biblike të shtunën e parë të dhjetorit

«Kemi ardhur për të folur shkurtimisht për familjen. Shumë prindër dëshirojnë që fëmijët e tyre ta duan Perëndinë. A mendoni se janë prindërit që duhet t’ua mësojnë këtë apo duhet ta mësojnë vetë?» Presim përgjigjen. I tregojmë faqen e fundit të revistës Kulla e Rojës të 1 dhjetorit dhe shqyrtojmë materialin poshtë pyetjes së parë e të paktën një nga shkrimet e përmendura. I ofrojmë revistat dhe lëmë takim të kthehemi për të parë përgjigjen e pyetjes tjetër.

Kulla e Rojës 1 dhjetor

«Po flasim shkurtimisht për Zotin. E dimë se çdokush ka mendimin e vet për të. Sipas jush, shumica e njerëzve e shohin Zotin si një forcë abstrakte apo si një mik që kujdeset personalisht për ne? [Presim përgjigjen.] Ky varg biblik na tregon se ç’lloj marrëdhënieje do Zoti që të kemi me të. [Lexojmë Jakovin 4:8a.] Kjo revistë tregon tri gjëra që mund të bëjmë për t’u afruar më shumë me Zotin.»

Zgjohuni! dhjetor

«Po flasim shkurtimisht për një problem shëndetësor të përhapur që shqetëson shumë njerëz. Sipas Organizatës Botërore të Shëndetit, çrregullimet mendore, si depresioni, do të prekin një në katër njerëz në njëfarë pike të jetës. A mendoni se këto çrregullime po përhapen gjithnjë e më shumë? [Presim përgjigjen.] Bibla jep shpresë se në të ardhmen në tokë nuk do të ketë më sëmundje e dhembje. [Lexojmë Zbulesën 21:3, 4.] Kjo revistë thekson disa gjëra që çdokush duhet të dijë për çrregullimet mendore.»