Përdore pasqyrën në mënyrën e duhur

Dishepulli Jakov e krahasoi Biblën me një pasqyrë që na ndihmon të shohim se ç’lloj njeriu jemi vërtet përbrenda. (Jak. 1:22-25) Si ta përdorim në mënyrën e duhur këtë pasqyrë?

Lexoje me kujdes. Nëse thjesht i hedhim një sy vetes në pasqyrë, mund të mos e vërejmë se diçka nuk shkon. Po njësoj, për të dalluar se çfarë ndryshimesh duhet të bëjmë te vetja, është e domosdoshme ta lexojmë me kujdes Fjalën e Perëndisë.

Përqendrohu te vetja, jo te të tjerët. Nëse e mbajmë pasqyrën në njëfarë këndi, mund të përqendrohemi te defektet e dikujt tjetër. Në mënyrë të ngjashme, kur lexojmë Biblën, mund të mendojmë për të metat e të tjerëve. Ama, kjo nuk do të na ndihmojë të ndreqim të metat tona.

Ji i arsyeshëm. Nëse fiksohemi te defektet që na tregon pasqyra, mund të shkurajohemi. Po njësoj, kur lexojmë Fjalën e Perëndisë, duhet të jemi të arsyeshëm e të mos presim nga vetja më shumë nga sa pret Jehovai.—Jak. 3:17.