NIMRIMI

[ndoshta: leopardë].

Në profecitë kundër Moabit, si Isaia, edhe Jeremia përmendin «vendet me ujë të Nimrimit». (Is 15:5-9; Jr 48:34, 35) Meqë rajoni përreth është pjellor, disa i lidhin vendet me ujë të Nimrimit me Vadi-Nimrinin, i cili derdhet në Jordan në veri të Detit të Vdekur. (Shih BETH-NIMRAHU.) Mirëpo, renditja e vendeve në profeci duket se tregon që Nimrimi ndodhej në jug të Moabit. Prandaj shumë anojnë nga ideja se lidhet me Vadi-en-Numeirahun, që derdhet në skajin juglindor të Detit të Vdekur, afro 17 km në perëndim-jugperëndim të Karakut. Profecitë parathoshin se këto vende me ujë do të ktheheshin në «shkreti» ose në kuptimin e figurshëm ngaqë vendi do të shkretohej, ose ndoshta në kuptimin e mirëfilltë ngaqë forcat armike do të ndalnin rrjedhën e ujërave.

Ishte parathënë se, kur Moabit t’i binte gjëma, të ikurit e tij do të shkonin në Zoar dhe klithma për shkatërrimin e kombit do të dëgjohej «nga Zoari . . . deri në Horonaim, në Eglath-Shelishijah», dhe kjo ndoshta tregon se Zoari ishte asokohe qytet moabit. (Is 15:5; Jr 48:34) Te Jeremia 48:4, disa përkthime të sotme (AT, JB, NE, RS) dhe Septuaginta greke (31:4, LXX, Bagster) përmendin Zoarin (Zogorën), ndërsa teksti masoretik hebraik thotë ‘të vegjlit e tij’. (BR, Dio, Le, Ro) Teksa Moisiu kundronte vendin nga mali i Nebos, skaji jugor që pa ishte Zoari. (Lp 34:1-3) Siç duket, qyteti ndodhej në Moab ose afër tij, pranë rajonit malor të Moabit dhe diku në juglindje të Detit të Vdekur. (Krahaso Zn 19:17-22, 30, 37.) Disa studiues mendojnë se ishte në veri të Detit të Vdekur, të tjerë në gadishullin e El Lisanit ose menjëherë në perëndim a në jug të skajit jugor të detit. Sipas Johanan Aharonit, ndodhej në Es Safi, në deltën e luginës së përroit të Zeredit (Vadi-el-Hasaʼ). Në mesjetë, emrin e Zoarit e lidhnin me një vend të rëndësishëm mes Jerusalemit dhe Elathit. Gjithsesi, disa studiues besojnë se Zoari i lashtë dhe ‘qytetet [e tjera] të krahinës’ gjenden nën ujërat e pjesës jugore të Detit të Vdekur.​—Zn 13:12.