³ Kur flasim me një prind mund të themi:

◼ «Po u ofrojmë prindërve disa udhëzime praktike që janë me të vërtetë të vlefshme për rritjen e fëmijëve. Ato janë përpiluar në këtë libër me këshilla që titullohet, Sekreti i lumturisë familjare.» Hapim librin në faqen 55. Lexojmë paragrafin 10 e në vazhdim shkrimin në Ligji i përtërirë 6:6, 7 që ndodhet në paragrafin 11. Më pas, theksojmë fjalitë me shkronja të pjerrëta në paragrafët 12 deri 16. Vazhdojmë duke thënë: «Ky libër ka ndihmuar shumë njerëz që të kenë një sukses më të madh si prindër. Nëse ju pëlqen ta lexoni, me kënaqësi do t’ju jepja këtë kopje.»

⁴ Kur bisedojmë me një person të moshuar mund të themi:

◼ «Pasi të lexoj këtë koment të shkurtër, ju lutem më thoni se ç’mendoni.» E hapim librin Familja në faqen 169 dhe lexojmë dy fjalitë e para të paragrafit 17. Pastaj, kërkojmë mendimin e personit. Në varësi të përgjigjes, mund të lexojmë fragmente të tjera nga libri përpara se ta ofrojmë atë.

⁵ Kur shkojmë aty ku kemi lënë librin Familja, të kemi parasysh që të fillojmë një studim biblik. Mësimi 8 në broshurën Çfarë kërkon? ose kapitulli 15 në librin Njohuria, mund të jenë një argument i përshtatshëm për të filluar. Ndërkohë, le të përpiqemi t’i ndihmojmë njerëzit e çdo moshe që të ndërtojnë një jetë familjare të lumtur të krishterë!

³ Duke studiuar së bashku çdo javë: Studimi familjar i Biblës duhet të jetë momenti më i këndshëm i javës për familjen. Çdo anëtar duhet ta mbështetë atë, duke marrë pjesë me zell në studim. Kreut të familjes i duhet që të marrë parasysh nevojat e familjes kur zgjedh materialin për studim, ditën, kohën dhe se sa do të zgjatë studimi. Le t’i japim përparësi studimit familjar në programin e javës. Të mos lejojmë që çështje më pak të rëndësishme të ndërhyjnë në këtë program.​—Filip. 1:10, 11.

⁴ Një baba, të cilit i telefononin shpesh në shtëpi për çështje pune, e shkëputi telefonin gjatë studimit familjar. Nëse klientët vinin në shtëpi, ftoheshin që të merrnin pjesë në studim ose që të pritnin deri sa ai të përfundonte. Babai ishte i vendosur që asgjë të mos ndërhynte në studimin familjar. Kjo u bëri një përshtypje të thellë fëmijëve të tij dhe sa për punën, ajo i eci mbarë.

⁵ Ç’kënaqësi është kur anëtarët e familjes bashkëpunojnë në aktivitetet frymore! Përpjekjet tona të rregullta për të pasur një pjesëmarrje të plotë në studimin familjar të Biblës do të sjellin bekimin e Jehovait.​—Psal. 1:3.