Si të mprehim aftësitë në shërbim?—Të dëshmojmë në territoret tregtare

Pse ka rëndësi? Meqë shumë njerëz punojnë me orar të zgjatur, shpesh mënyra më e mirë për t’u predikuar mesazhin e Mbretërisë, është duke u dëshmuar në vendin e punës. Dëshmia në territoret tregtare mund të sjellë kënaqësi dhe rezultate, sepse gjithmonë gjejmë njerëz dhe punëtorët priren të jenë të sjellshëm me ata që i shohin si klientë të mundshëm. Që të jenë të efektshëm, lajmëtarët duhet të tregojnë gjykim të mirë dhe të jenë shembullorë në mënyrën si vishen dhe mbahen. (2 Kor. 6:3) Prandaj, mbikëqyrësi i shërbimit duhet të shikojë me kujdes sa shpesh predikohen territoret tregtare dhe nga kush.

Si ta zbatosh?

Përgatit një prezantim të shkurtër. Nëse u harxhon shumë kohë, mund të humbësh mundësinë t’u flasësh sërish.
Folu kur janë më pak të zënë, si për shembull, kur sapo kanë hapur.
Përpiqu të flasësh me personin përgjegjës. Ji i përzemërt dhe miqësor. Mund të thuash: «Po flasim shkurtimisht me njerëzit në vendin e punës, sepse është e vështirë t’i gjejmë në shtëpi.» Bëj një prezantim të shkurtër dhe ofroji një fletushkë, revistat a ndonjë botim tjetër. Që të mos na marrin për shitës ambulantë, është mirë të mos përmendim kontributet, përveçse kur pyesin si financohet vepra jonë.
Nëse personi përgjegjës është miqësor, merri leje që t’u flasësh shkurtimisht punëtorëve të tjerë. Në disa vende pune, do të ishte mirë të pyesje nëse mund të lije literaturë te dhoma e pushimit.
Trego gjykim të mirë dhe ji elastik. Për shembull, nëse një punëtor po flet me një klient ose është i zënë, prit derisa të jetë i lirë.

Gjatë muajit provo këtë:

Gjatë mbrëmjes së ardhshme të Adhurimit Familjar, praktikoni një prezantim të shkurtër që mund ta përdorni nëse dëshmoni në territoret tregtare.