සෙකරියා
10 “වැහි වලාකුළු සාදන්නේ යෙහෝවා දෙවිය.+ ඔහු වැසි වස්සවා+ සියලුදෙනාටම අවශ්‍ය පලදාව ලබා දෙන්නේය.+ එබැවින් වසන්ත කාලයේදී+ ඔබේ කෙත්වතුවලට අවශ්‍ය වැසි ලබා දෙන මෙන් යෙහෝවා දෙවිගෙන් අයැදින්න.+ 2 බොරු දෙවිවරු*+ තමන්ගෙන් පිහිට පතන අයව නොමඟ යවන්නෝය. මන්තර ගුරුකම් කරන මිනිස්සු දර්ශන දකින නමුත් ඒවා කිසිදා ඉටු වන්නේ නැත.+ ඔවුහු කිසි අර්ථයක් නැති සිහින දකින්නෝය. ඔවුන් අන් අයව සනසවන්න උත්සාහ කළත් එයින් කිසිදු පලක් නැත.+ එබැවින් ජනයා එඬේරෙකු නැති+ බැටළුවන් මෙන් හිරිහැර විඳිමින් සීසීකඩ විසිර යති.+
3 “‘එඬේරුන් සේ ජනයාව රැකබලා ගැනීමට පත් කර සිටින අයට විරුද්ධව මාගේ උදහස ඇවිළී තිබේ.+ එළුවන් මෙන් ක්‍රියා කරන කෲර පාලකයන්ද+ මට ගණන් දිය යුතුයි.’+ ස්වර්ගයේ සේනාවල අධිපති වන යෙහෝවා දෙවි තම බැටළු රැළ+ වන යූදා සෙනඟව රැකබලා බලවත් යුධ අශ්වයෙකු සේ+ ඔවුන්ව ශක්තිමත් කරන්නේය. 4 අතිවැදගත් කාර්යයක් ඉටු කරන තැනැත්තා+ පැමිණෙන්නේ යූදා සෙනඟ අතරින්ය. අපේ උපකාරයට සිටින පාලකයා+ පැමිණෙන්නේ ඔවුන්ගෙන්ය. වැඩ අධීක්ෂණය කරන අයද+ යූදා පෙළපතෙන් පැමිණෙන්නෝය. සතුරන්ට පහර දීමට යොදාගන්නා දුන්න+ නික්ම එන්නේද ඔවුන්ගෙන්ය. 5 යූදා පෙළපතට අයත් අය ගමන් කරන්නේ ජයග්‍රාහී හමුදාවක් මෙනි.+ ඔවුහු මැරුම් කෑ සතුරන්ගේ මළ සිරුරු මැදින් ගමන් කරති.+ ඔවුන් සටන් කරන විට යෙහෝවා දෙවිද ඔවුන්ගේ උපකාරයට සිටින්නේය.+ එබැවින් අශ්වයන් පිට නැඟී එන සතුරෝ ඔවුන් අබියස අන්ත පරාජයකට ලක් වනු ඇත.+ 6 ‘මම යූදා පෙළපත උසස් කරන්නෙමි. යෝසෙප්ගේ පෙළපතත් බේරාගන්නෙමි.+ මා ඔවුන්ගේ දෙවි වන යෙහෝවාය. එබැවින් මම ඔවුන්ට දයාව පෙන්වා+ ඔවුන්ට වාසය කිරීමට තැනක් ලබා දෙන්නෙමි. ඔවුන් මට හඬගසන විට මම ඔවුන්ට උත්තර දෙන්නෙමි.+ එවිට මාගේ ආශීර්වාදය අහිමි වී තිබූ කාලය ඔවුන්ගේ මතකයට නැඟෙන්නේ නැත.’+ 7 එෆ්‍රායිම් බලවන්තයෙකු මෙන් ක්‍රියා කරනු ඇත.+ වයින් බී ප්‍රීතියෙන් සිටින අය මෙන් ඔවුහුද ප්‍රීතියෙන් කල් ගෙවන්නෝය.+ ඔවුන්ගේ දරුවෝද එය දැක සතුටු වන්නෝය.+ යෙහෝවා දෙවි ඔවුන් වෙනුවෙන් කළ දේවල් නිසා ඔවුහු ප්‍රීතියෙන් පිනා යන්නෝය.+
8 “‘මම ඔවුන්ව මා වෙතට කැඳවාගන්නෙමි.+ මම ඔවුන්ව මුදවාගෙන,+ අතීතයේදී මෙන් විශාල සෙනඟක් බවට පත් කරන්නෙමි.+ 9 කෙතක බීජ වපුරන්නාක් මෙන් මම ඔවුන්ව දුර ඈත පිහිටි දේශවලට විසුරුවාහරින්නෙමි.+ නමුත් ඒ දේශවලදී ඔවුහු නැවත මාව සිහි කරනු ඇත.+ ඔවුහු නව ජීවයක් ලබා තම දරුවන් සමඟ නැවත මා වෙතට පැමිණෙන්නෝය.+ 10 මම ඔවුන්ව ඊජිප්තු දේශයෙන්ද+ ඇසිරියාවෙන්ද නැවත එක් රැස් කරන්නෙමි.+ ඔවුන්ට ජීවත් වීමට දේශයේ ඉඩ මදි වන නිසා+ ගිලියද් දේශයේ+ හා ලෙබනොන්හි මම ඔවුන්ව පදිංචි කරවන්නෙමි. 11 මුහුද ඔවුන්ගේ ගමනට බාධා කරන විට මම ඒ මැදින් ගමන් කරන්නෙමි.+ එයට පහර දෙමින් එහි රළ පහර නිහඬ කරන්නෙමි.+ නයිල් ගඟ ඔවුන්ට බාධා කරන විට එහි පතුල පෙනෙන තෙක් වතුර සිඳවන්නෙමි.+ ඇසිරියාව ලැජ්ජාවට පත් කර+ ඊජිප්තුවේ බලය*+ බිඳ දමන්නෙමි.+ 12 යෙහෝවා දෙවි වන මම ඔවුන්ගේ සවිය වන්නෙමි.+ ඔවුහුද මාගේ නාමයට ගෞරවය ගෙන දෙන අන්දමින් කටයුතු කරනු ඇත.’+ එසේ පවසන්නේ යෙහෝවා දෙවිය.”