Lei taa i abi pasensi

Andi Jesosi bi du?

FËLÖN: Jesosi heepi hën baaa ku pasensi

1. Luku di FËLÖN, nasö lesi Johanisi 7:3-5 ku 1 Kolenti 15:3, 4, 7. Baka di dë, nöö buta pakisei a dee soni aki:

1. Unfa dee baaa u Jesosi bi ta si di bosikopu di a bi ta paaja bigibigi?

2. Andi ta lei taa Jesosi an bi disa u heepi hën baaa Jakobosi?

Andi u ta lei a Jesosi?

2. U musu abi pasensi, u di so sëmbë ta möön tei ten u ko a di tuutuu lei.

Djeesi Jesosi

3. Peleiki a wan woto fasi. Ee di sëmbë an piki i wantewante taa a kë fii ko lei ën soni u Bëibel, nöö na duwengi ën. Te a fiti, nöö i sa lei ën dee fëlön fuu nasö wan woto soni u heepi ën faa ko fusutan andi u ta du te u ta lei sëmbë soni u Bëibel. Söseei lei ën un wini a o feni tu.

4. Na tei di sëmbë maaka ku woto sëmbë. Sëmbë ku sëmbë tooka. Ee wan famii fii nasö wan sëmbë di i nango ta luku an kaba dë seiki taa a kë lei soni u Bëibel nasö ee an kë tei wan soni di i ta lei ën, nöö pakisei luku andi mbei a dë sö. A ta hoi hënseei a wan soni di a ta biibi, di dë wan gaan soni dëën u? Dee famii nasö dee sëmbë dee ta libi a di pisiwata ka a ta dë, ta mbei a taanga dëën u? Dëën ten faa kai pakisei a di soni di i piki ën, söseei faa ko si taa dee soni di di Bëibel ta taki, bunu dëën.

5. Begi Jehovah. Hakisi Jehovah faa heepi i fu ja lasi hati, söseei fii ta du soni a wan köni fasi go dou. Hakisi ën faa heepi i fii sabi te wan sëmbë an kë sabi soni u Bëibel tuutuu, sö taa ja nango ta luku ën möön.​—1 Kol. 9:26.