Dee Könuköndë kanda fuu ta da u degihati

Paulosu ku Silasi bi ta kanda ta gafa Gadu di de bi dë a dunguwosu (Tja 16:25). A di ten aki, dee baaa ku dee sisa fuu dee de bi söötö a di sitaafuma kampu de kai Sachsenhausen di dë na Alumaköndë ku dee de bi söötö a Sibelia, bi ta kanda Könuköndë kanda tu. Dee woto u de ta lei u unfa di kanda di de bi ta kanda, bi da de degihati u hoi dou di tesi bi ta miti de.

Sömëni woto töngö o abi di njunjun kanda buku abiti möön. Di në u di kanda buku aki da: „Kanda ku piizii” da Jehovah. Te u feni di kanda buku kaa, nöö u sa ta pooba u hoi dee kanda a hedi. U sa ta lei de te u ta hoi di Wosudendu Dini fuu (Ef 5:19). Nöö te tesi ta miti u, nöö di santa jeje o heepi fuu sa mëni dee kanda dë baka. Dee Könuköndë kanda sa heepi u fuu ta buta mëni a dee bunu soni dee woo feni a di ten di ta ko. De sa da u degihati te tesi ta miti u. Nöö te u ta fii bunu, nöö dee hanse wöutu u dee kanda o mbei taa woo ta kë „kanda ku piizii”, u di u ta fii bunu a u hati (1Klo 15:16; Ps 33:1-3). Be hii u tuu ta kanda dee Könuköndë kanda aki hii juu!

LUKU DI FËLÖN WAN KANDA DI BI TA DA DEE WOOKOMA DEGIHATI, NÖÖ UN PIKI DEE HAKISI AKI:

• Faandi mbei Baaa Frost bi mindi wan kanda?

• Unfa di kanda dë bi da dee baaa dee bi dë a dunguwosu a Sachsenhausen degihati?

• Na u ten dee Könuköndë kanda fuu sa da i degihati?

• Andi da wantu u dee Könuköndë kanda fuu di i bi o kë hoi a hedi?