Heepi dee sëmbë dee i ta lei soni u Bëibel u de nango a dee komakandi

Dee komakandi da wan fanöudu pisi u di dini di u ta dini Gadu (Ps 22:22). Hii dee sëmbë dee ta ko makandi u dini Jehovah ta dë waiwai, söseei de ta feni gaan bunu (Ps 65:4). Dee sëmbë dee u ta lei soni u Bëibel nango möön hesi a fesi a di biibi, te de ta ko hii juu a dee komakandi.

Unfa i sa heepi de u de ta ko a dee komakandi? I musu ta kai de nöömö u de ko a dee komakandi. Lei de di fëlön Andi de ta du a wan Könuköndë zali? Konda da de un wini de o feni te de ta ko a dee komakandi (lff woto 10). I sa konda wan soni da de di i bi lei a wan komakandi nasö i sa konda kölö sö da de andi woo lei a di woto komakandi. Dëën di buku di woo lei soni nëën a komakandi. Söseei hakisi ën ku un woto soni i sa heepi ën. Kandë a o kë fii tjëën go a wosu ku wagi. Te a ko a komakandi u di fosu pasi, nöö joo si taa dee möiti dee i bi mbei an bi dë u sösö.​—1Ko 14:24, 25.

LUKU DI FËLÖN HEEPI DEE SËMBË DEE I TA LEI SONI U BËIBEL U DE NANGO A DEE KOMAKANDI, NÖÖ BAKA DI DË, PIKI DEE HAKISI AKI:

• 

  Un okasi Neeta bi tei u kai Djeit faa ko a wan komakandi?

• 

  Faandi mbei u ta wai te wan sëmbë di u ta lei soni u Bëibel ta ko a dee komakandi?

• 

  Unfa Djeit bi fii di a bi go a wan komakandi di fosu pasi?