Heepi dee sëmbë dee i ta lei soni u Bëibel u de ko dë mati u Jehovah

Jehovah kë fuu dini ën u di u lobi ën (Mt 22:37, 38). Di lobi di dee sëmbë dee u ta lei soni u Bëibel lobi Gadu, hën o heepi de u de tooka soni a de libi, söseei u de hoi dou te tesi ta miti de (1Jo 5:3). Di lobi di de lobi Gadu, hën o mbei taa de o kë dopu.

Heepi dee sëmbë dee i ta lei soni u Bëibel u de si taa Gadu lobi de. Buta dee lö hakisi aki da de: „Andi di soni aki ta lei i u Jehovah?” nasö „Unfa di soni aki ta lei i taa Jehovah lobi i?” Heepi de u de si fa Jehovah ta heepi de a de libi (2Klo 16:9). Konda da de unfa Jehovah bi piki di begi fii di i bi hakisi ën wan soni, nöö da de taanga u de ta buta pakisei a di piki di Jehovah ta piki dee begi u de. Woo ta wai seei te u ta si dee soni di dee sëmbë dee u ta lei soni u Bëibel ta du u di de ko sabi taa Gadu lobi de, söseei woo ta wai te u ta si fa de ta lei taa de lobi Jehovah, söseei taa de kë ko dë mati fëën.

LUKU DI FËLÖN HEEPI DEE SËMBË DEE I TA LEI SONI U BËIBEL U DE KO DË MATI U JEHOVAH, NÖÖ BAKA DI DË, PIKI DEE HAKISI AKI:

• 

  Un bookohedi Djeit bi abi?

• 

  Unfa Neeta bi heepi Djeit?

• 

  Unfa Djeit bi pasa di bookohedi di a bi abi?