Heepi dee sëmbë dee i ta lei soni u Bëibel u de ta köni ku poipoi mati

Ee dee sëmbë dee u ta lei soni u Bëibel kë dë mati u Jehovah, nöö de musu suku bunu mati (Ps 15:1, 4). Bunu mati o heepi de u du bunu soni.​—Nön 13:20; lff woto 48.

Te i ta heepi dee sëmbë dee i ta lei soni u Bëibel u de an hulu ku poipoi mati möön, nöö i musu pooba u buta iseei a de kamian. A sa taanga da de u disa dee mati di de bi abi. Lei taa i ta booko i hedi ku de tu, a dee daka te ja go lei de soni u Bëibel. I sa manda wan app da de, i sa bëli de, nasö i sa go luku de kölö sö a de pisi. Te de nango a fesi a di biibi, nöö i sa kai de te woon hoi wan piizii makandi ku dee baaa ku dee sisa. De o si gbelingbelin taa de ta feni möön hia soni möön dee soni di de disa a baka (Mk 10:29, 30). Iseei o ta dë waiwai tu te i ta si fa möön hia sëmbë ta ko dini Jehovah.

LUKU DI FËLÖN HEEPI DEE SËMBË DEE I TA LEI SONI U BËIBEL U DE TA KÖNI KU POIPOI MATI, NÖÖ BAKA DI DË, PIKI DEE HAKISI AKI:

• Ambë da poipoi mati?​—1Ko 15:33?

• Unfa Djeit bi ta pakisei taa dee piizii u dee Keesitu sëmbë bi o dë?

• Unfa Neeta bi heepi Djeit fu an ta hulu poipoi mati möön?