Un dee njonkuwan un konda hii soni di dë a unu hati da dee gaansëmbë fuunu

Faandi mbei i musu pooba u konda da dee gaansëmbë fii unfa i ta pakisei tuutuu? (Nön 23:26) Wë, u di Jehovah da de di faantiwöutu u de kiija i (Ps 127:3, 4). A o ta taanga da de u de heepi i ee ja ta piki de unfa i ta fii, söseei ee ja ta piki de un bookohedi i abi. Söseei ja o lei soni a de u dee soni di de sabi u di libi. A dë wan föutu soni te ja ta konda hii soni fii da wotowan u? Nönö an dë wan föutu soni. Ma ja musu ganjan dee gaan sëmbë fii u de biibi wan soni di an dë sö tuutuu.​—Nön 3:32.

Unfa i sa fan ku dee gaansëmbë fii? Suku wan ten di o bunu da i, söseei di o bunu da de. Ee a ta taanga da i fii fan ku de, nöö i sa sikifi wan biifi da wan u de u konda dëën unfa i ta fii. Unfa a dë ee de kë taki u wan soni di ja bi o kë taki fëën. Hoi a pakisei taa de kë heepi i tuutuu. I musu ta si dee gaansëmbë fii kuma i mati, ma na kuma i felantima. Di möiti di joo ta mbei u ta fan ku i mama ku i tata söndö fii ta tjubi soni da de, o tja wini ko da i, söseei a o mbei i feni teego libi tu!​—Nön 4:10-12.

LUKU DI FËLÖN DI MI BI MÖÖN NJÖNKU​—UNFA MI MUSU FAN KU DEE GAANSËMBË U MI? NÖÖ BAKA DI DË, PIKI DEE HAKISI AKI:

• 

  Andi Esther ku Partik bi ko fusutan u deseei?

• 

  Andi i sa lei a di woto u Jesosi?

• 

  Unfa i mama ku i tata lei taa de ta booko de hedi ku i?

• 

  Un mama wëti u Bëibel sa heepi i fii sa fan ku dee gaansëmbë fii?