DI LIBI FUU KUMA KEESITU SËMBË
Jehovah ta heepi u fuu hoi dou te tesi ta miti u
A dee lasiti daka aki, peipei tesi ta miti u. So juu, u sa fii kuma dee tesi dee ta miti u ta hebi da u poi fuu tja. Ma ee u ta mbei möiti fuu ta ko möön zuntu ku Jehovah, nöö a o heepi u fuu hoi dou aluwasi wan gaan tesi miti u di an bi miti u wan daka (Jes 43:2, 4). Andi u musu du fuu sa ko möön zuntu ku Jehovah te tesi ta miti u?
Begi. Te u ta konda dee soni dee dë a u hati da Jehovah, nöö a ta da u di kötöhati ku di kaakiti di u abi fanöudu fuu sa hoi dou.—Fp 4:6, 7; 1Te 5:17.
Dee komakandi fuu. Jehovah seeka soni sö taa u sa ta feni dee lei u Bëibel a dee komakandi fuu, söseei fuu ta feni taanga a dee baaa ku sisa fuu. Nöö di soni aki dë wan gaan fanöudu soni seei, möönmöön a di ten aki (Heb 10:24, 25). Te u ta seeka da dee komakandi, nango a dee komakandi, söseei ta da piki a dee komakandi, nöö woo sa möön feni wini u di heepi di di jeje u Jehovah ta heepi u.—Ako 2:29.
Di peleikiwooko. Ee u ta du hii soni di u sa du fuu ta peleiki hii juu, nöö an o taanga da u fuu ta buta pakisei a bunu soni. Söseei di peleikiwooko o heepi fuu ku Jehovah ku dee woto baaa ku sisa fuu, ko dë möön gaan mati.—1Ko 3:5-10.
LUKU DI FËLÖN JEHOVAH O BUTA PAKISEI A I, NÖÖ BAKA DI DË, PIKI DEE HAKISI AKI:
Andi bi heepi Malu faa bi sa dë zuntu ku Jehovah di tesi bi ta miti ën?
Unfa dee soni dee sikifi a Psalöm 34:18 sa da u kötöhati te tesi ta miti u, leti kumafa de bi da Malu kötöhati?
Unfa di woto u Malu ta lei u taa Jehovah ta da u di kaakiti di bigi möön hiniwan soni, te tesi ta miti u?—2Ko 4:7