Dee woto u di buku aki

Jehovah da di sëmbë di u sa djeesi möön gaanfa a di fasi fa a ta duwengi hënseei. Wë unfa u sa djeesi ën? Andi i sa du fii sa möön lei taa i ta duwengi iseei?

Andi a kë taki u abi tjalihati u sëmbë? Jehovah ku Jesosi da dee möön bunu sëmbë dee u sa djeesi a di fasi fa de abi tjalihati u sëmbë. Unfa u sa djeesi de? Nöö andi o pasa te u ta djeesi de?

De ta puu di Bëibel ko a sömëni woto töngö jeti. Faandi mbei di soni aki dë fanöudu? Unfa u sa lei taa u ta tei ën u bigi taa di Wöutu u Gadu dë a di töngö fuu? Dee woto aki o heepi u fuu ko möön lobi di Bëibel, ku di Gadu di mbei sëmbë sikifi ën.

Hii Keesitu sëmbë abi degihati fanöudu. Unfa u sa feni wini u dee woto u sëmbë fu awooten di bi abi degihati? Unfa dee njönkuwan, dee mama ku dee tata, dee sisa dee ko gaandi kaa, ku dee baaa dee dopu kaa, sa lei taa de abi degihati, söseei taa de dë kabakaba u du hiniwan soni di ta kai ku Jehovah?