Unfa u sa du di diniwooko fuu möön bunu—Bigi wan Bëibel studie ku wan sëmbë nëën dööbuka ku di brochure Gadu abi bunu buka da u!
Faandi mbei a dë fanöudu: Ee u kë heepi sëmbë u ko toon bakama u Jesosi, nöö u musu sa’ u lei sëmbë soni u di Wöutu u Gadu (Mat. 28:19, 20). Hiniwan fuu sa ko dë sëmbë di sa’ u lei sëmbë soni u Bëibel, te u ta wooko ku dee soni dee de da u. De mbei di brochure Gadu abi bunu buka da u! u heepi u fuu lei sëmbë soni u Bëibel. U sa wooko ku ën u bigi wan Bëibel studie ku wan sëmbë leti nëën dööbuka.
Pooba di soni aki di liba aki:
Begi Jehovah faa heepi i fii ko abi di fii u hoi Bëibel studie, fii sa bigi wan Bëibel studie, söseei fii sa ko dë wan sëmbë di dë fajafaja u lei wotowan soni u di tuutuu lei.—Fil. 2:13.
Te i ta hoi di Wosudendu Dini fii, nasö te i ta lei iseei soni u Bëibel, nöö i musu tei ten u seeka iseei bunu fii sabi andi joo taki. Te i du sö, nöö joo dë seiki u dee soni dee joo taki fii sa bigi wan Bëibel studie ku wan sëmbë nëën dööbuka.