**Unfa u sa du di diniwooko fuu möön bunu—Wooko ku di Bëibel lei-buku u lei wan sëmbë unfa u ta lei sëmbë soni u Bëibel**

Faandi mbei a dë fanöudu: Kandë sömëni sëmbë an ta fusutan u te u taa u nango lei sëmbë soni u Bëibel te a de wosu söndö u de paka. Kandë de ta pakisei taa de musu go sindo ku woto sëmbë makandi u lei soni kuma de dë a siköö. Ka fuu hakisi wan sëmbë ee a kë lei soni u Bëibel, an bi o möön bunu u lei ën fa u ta lei sëmbë soni u Bëibel ö? A wan tu miniti dendu u sa lei wan sëmbë leti nëën dööbuka, taa an taanga u lei soni u Bëibel, nöö a o ko sabi hia soni seei.

Fa u musu du ën:

Baka te i piki di sëmbë ambë da i, nöö hakisi ën ee a ta booko hën ku di ten di ta ko.
Piki ën taa sömëni sëmbë ta hakisi deseei di soni aki sö tu, nöö lei ën dee woto dee dë a di Bëibel lei-buku. Lei ën taa dee woto an taanga u fusutan, söseei taa di buku aki o heepi ën faa ko sabi andi di Bëibel ta lei u u di ten di ta ko, söseei u woto soni tu. Hakisi ën undi u dee woto a bi o kë ko sabi.
Dëën wan buku, nöö tjëën go a di woto di a kë ko sabi soni fëën. Piki ën taa dee piki u dee hakisi dee dë a bigi u di woto, dë a dee palaglaaf dee woon go luku.
Hakisi di sëmbë ee a kë lesi di fosu palaglaaf. Baka di dë, lesi di hakisi, nöö un suku di piki makandi. Lesi dee Bëibel tëkisi dee nama ku di piki, nöö un taki u de. Lei ën fa i maaka di piki a di buku fii.
Go a di woto palaglaaf, nöö di pasi aki, hakisi ën faa pooba u piki di hakisi kumafa a fusutëën.
Gafëën, nöö mbei wan buka ku ën u toona go nëën u luku di woto go dou.
Ee a sa, nöö lei ën di fëlön Unfa u ta lei sëmbë soni u Bëibel? di dë a jw.org.

Pooba di soni aki di liba aki:

Begi Jehovah faa heepi i fii feni wan njunjun Bëibel studie.—Fil. 2:13.
Pooba u lei wan sëmbë fa u ta lei sëmbë soni u Bëibel ku di Bëibel lei-buku, nasö lei ën di fëlön Unfa u ta lei sëmbë soni u Bëibel? aluwasi wan pasi seei te i dë a di peleikiwooko.