Unfa u sa du di diniwooko fuu möön Bunu​—Fiti iseei a di sëmbë

FAANDI MBEI A DË FANÖUDU: Dee salufuwan ku dee woto sikapu ta kai hii sëmbë u „ko tei di wata u di libi u teego” (Ako 22:17). Di wata aki kë taki hii dee soni dee Jehovah seti u puu hii dee sëmbë dee ta piki hën buka, a zöndu ku dëdë basu. Fuu sa heepi dee sëmbë dee abi woto guwenti nasö wan woto biibi, nöö u musu konda di „Bunu Buka di dë u teego” da de a wan fasi di o hai hiniwan u de pakisei.​—Ako 14:6.

FA U MUSU DU ËN:

• Suku wan woto ku wan tëkisi di o dou dee sëmbë u di pisiwata fii hati. I sa tei wan u dee takimakandi a di pisi „Fasi fa u sa bigi wan takimakandi”, nasö i sa taki u wan soni di i bi feni wini fëën kaa di i bi wooko ku ën. Un woto ku un tëkisi o möön dou dee sëmbë hati? I bi jei wan njunsu di sömëni sëmbë ta taki fëën u? Un woto bi o möön hai wan womi nasö wan mujëë pakisei?

• Te joo fan ku wan sëmbë nöö dëën odi kumafa un guwenti, söseei taki u soni di sëmbë guwenti a di pisiwata fii.​—2Ko 6:3, 4

• I musu sabi andi sikifi a dee buku fuu, söseei i musu sabi dee fëlön fuu dee u ta tei u lei sëmbë soni u Bëibel, fii sa da wan sëmbë di kë sabi möön soni nasö fii sa pëën da wan sëmbë di kë sabi möön soni

• Download soni a di töngö u dee sëmbë dee i si kuma i sa miti a di pisiwata fii

• Tooka di soni di i bi o taki ee i si taa di sëmbë kë taki u wan woto soni (1Ko 9:19-23). Wë andi i bi o taki ee wan sëmbë u di sëmbë di i go peleiki da dëdë?

LUKU DI FËLÖN, NÖÖ BAKA DI DË, PIKI DEE HAKISI AKI:

• Fuun soni di peleikima bi bigi fan ku di sëmbë?

• Un soni bi pasa ku di sëmbë di a ta peleiki da?

• Un tëkisi bi o möön bunu faa bi lesi dëën a di juu dë, nöö faandi mbei?

• Unfa i sa tooka wan soni di i bi o taki fii sa hai dee sëmbë u di pisiwata fii pakisei u de kë haika i?