Taki u wan soni di ta pasa nöunöu te i dë a di peleikiwooko

Te Jesosi bi ta peleiki, nöö a bi ta konda woto u soni di bi ta pasa di sëmbë bi sabi (Lu 13:1-5). Iseei sa taki u soni di ta pasa nöunöu u hai sëmbë pakisei u de kë haika di Könuköndë bosikopu. Kandë baka te i taki u di dii di soni ko dii, nasö u wan gaan hogi di pasa, nasö u di hopo di sëmbë ta hopo fia ku lanti, nasö u di sumuku di sëmbë ta sumuku taku tabaku gaanfa seei, nasö u wan woto soni, nöö buta wan hakisi da di sëmbë di o mbei a taki unfa a ta pakisei. Kandë i sa hakisi ën taa: „I si kuma wan kaba o ko wan daka a . . . ?” nasö „Andi i pakisei taa de musu du u . . . ?” Baka di dë, nöö lesi wan Bëibel tëkisi di ta taki u di soni dë. Ee di sëmbë kë sabi möön soni, nöö lei ën wan fëlön nasö dëën wan buku di u ta lei sëmbë soni u Bëibel. Be a dë sö taa u ta „du hii soni u di bunu buka hedi” te u ta mbei möiti u dou dee sëmbë u di pisiwata fuu hati.​—1Ko 9:22, 23.

Un woto ta hai dee sëmbë pakisei a di pisiwata ka ii ta peleiki?