Andi i sa lei a dee Broadcasting kanda?

Undi ku undi Broadcasting kanda i möön lobi? Nöö faandi mbei? I si kuma dee fëlön u dee kanda nama ku dee soni dee ta pasa a di libi fuu ö? U di dee kanda ta abi tookatooka në, söseei u di de ta kanda de a tookatooka fasi, mbei hiniwan sëmbë sa feni wan di a lobi. Ma dee fëlön u dee Broadcasting kanda an ta mbei u ta piizii nöö.

Hiniwan u dee Broadcasting kanda ta lei u wan fanöudu soni di u sa du a di libi fuu kuma Keesitu sëmbë, söseei di u sa du a di peleikiwooko. So u dee kanda ta lei u fuu ta tei sëmbë ku wai a wosu, fuu ta libi makandi kuma wan famii, fuu dë mati ku useei, fuu ta da wotowan degihati, fuu lobi wotowan, söseei fuu ko abi wan taanga biibi. Wotowan ta taki u di toona di sëmbë musu toona ko a Jehovah, u da wotowan paadon, u dini Jehovah hiniwan daka ku hii u hati, söseei u buta maaka di u kë dou a di dini u Gadu. Wan Broadcasting kanda dë tu di ta lei unfa u musu ta wooko ku di tëlëfön fuu. Un woto soni i lei a dee Broadcasting kanda?

LUKU DI FËLÖN U DI KANDA DA MI DEGIHATI, NÖÖ BAKA DI DË, PIKI DEE HAKISI AKI:

• Un soni ta miti dee baaa ku dee sisa a di fëlön ka de musu lei taa de abi degihati?

• Fuun soni dee baaa ku dee sisa bi dë seiki?​—Ke 14:20

• Andi o miti u a di ten di ta ko?

• Andi o heepi u fuu abi degihati aluwasi andi o miti u? ​—2Kön 6:16