Konda wan woto u tja dee möön fanöudu pisi ko a fesi

Te woo go a dee gobaka fuu nasö te woo lei dee studie fuu soni u Bëibel, nöö u musu heepi de u de fusutan dee möön fanöudu soni. Te u ta konda woto da de, nöö a sa dou de hati, söseei a sa heepi de u de an fëëkëtë dee soni di de lei.

Te i ta seeka u go a wan gobaka nasö wan Bëibel studie, nöö buta pakisei a dee möön fanöudu soni di i kë tja ko a fesi, ma na a pikipiki soni di an dë fanöudu. Baka di dë, nöö konda woto di an taanga u fusutan di nama ku soni u di hii daka libi (Mt 5:14-16; Mk 2:21; Lu 14:7-11). I musu mbei möiti u ko sabi unfa de kiija di sëmbë, söseei andi da dee soni dee a ta du (Lu 5:2-11; Jo 4:7-15). Te i ko si fa di sëmbë ta piizii u di a ta fusutan dee soni dee i ta lei ën, nöö iseei o ta piizii tu.

LUKU DI FËLÖN JOO TA DË WAIWAI TE I TA HEEPI SËMBË U DE KO TOON BAKAMA U JESOSI​—FA I SA DU ËN MÖÖN BUNU​—KONDA WAN WOTO U TJA DEE MÖÖN FANÖUDU PISI KO A FESI, NÖÖ BAKA DI DË, PIKI DEE HAKISI AKI:

• 

  Faandi mbei u musu heepi dee Bëibel studie fuu u de ta fusutan Bëibel tëkisi bunu?

• 

  Un woto Neeta bi konda u heepi Djeit faa bi sa fusutan di tëkisi u Loomë 5:12?

• 

  Un wini dee haikama fuu o feni te u ta konda bunu woto?

• Faandi mbei u musu ta wooko ku dee fëlön, söseei ku dee woto soni di di ölganisaasi u Jehovah mbei da u te u dë a di peleikiwooko?