I musu dë fajafaja te i ta lei sëmbë soni

Te i dë fajafaja, nöö a ta da wotowan degihati. A sa hai di pakisei u dee haikama. Söseei a ta lei taa u ta si di buka di u ta paaja kuma gaan soni. Aluwasi na un fasi u kiija nasö un fasi u abi, tökuseei u sa ko dë fajafaja (Lo 12:11). Unfa sö?

Di fosu soni, hën da i musu pakisei unfa di buka di i ta paaja dë fanöudu tjika. I abi di gaandi u paaja „di buka u bunu soni”! (Lo 10:15) Di u tu soni, hën da u musu pakisei fundu unfa di bunu buka sa tooka di libi u dee sëmbë dee ta haika u. A dë fanöudu u de jei di bunu buka (Lo 10:13, 14). Di lasitiwan, hën da i musu ta fan fajafaja. Dee soni dee joo ta mbei ku i maun ku i fesi musu mbei di sëmbë si unfa i ta pakisei u di soni di i ta taki.

LUKU DI FËLÖN JOO TA DË WAIWAI TE I TA HEEPI SËMBË U DE KO TOON BAKAMA U JESOSI​—FA I SA DU ËN MÖÖN BUNU​—I MUSU DË FAJAFAJA TE I TA LEI SËMBË SONI, NÖÖ BAKA DI DË, PIKI DEE HAKISI AKI:

• 

  Andi bi mbei taa Neeta an bi dë fajafaja möön di a bi ta lei Djeit soni u Bëibel?

• 

  Andi bi heepi Neeta fa bi sa ko dë fajafaja baka?

• 

  Faandi mbei u musu ta mbei möiti u ta si dee bunu fasi u dee sëmbë dee ta haika u?

• Te u dë fajafaja, nöö andi di soni dë sa du ku dee Bëibel studie fuu, söseei ku wotowan?