Be wotowan heepi i

Jehovah da u baaa ku sisa a hii së u goonliba u de ta heepi u (1Pe 5:9). De sa heepi u fuu sa pasa dee tesi dee ta miti u a di peleikiwooko. Sö nöö dee sëmbë kuma Akila ku Pesila, Silasi, Timoteo ku wotowan bi heepi Paulosu tu.​—Tja 18:1-5.

Unfa dee baaa ku dee sisa sa heepi u a di peleikiwooko? Wë de sa piki u andi u musu du te wan sëmbë taki wan soni u di an kë haika, nasö andi u sa du te woo go a wan gobaka, nasö de sa piki u andi u sa taki fuu sa da wan sëmbë wan buku, nasö andi u sa du te u ta lei wan sëmbë soni u Bëibel. Pakisei wan sëmbë u di kemeente di sa heepi i ku wan soni di nama ku di peleikiwooko, nöö hakisi ën faa heepi i. An dë u taki taa hii unu tuu o feni wini fëën, nöö hii unu tuu o ta wai.​—Fp 1:25.

LUKU DI FËLÖN JOO TA DË WAIWAI TE I TA HEEPI SËMBË U DE KO TOON BAKAMA U JESOSI​—BE JEHOVAH HEEPI I—​DEE BAAA KU DEE SISA FUU, NÖÖ BAKA DI DË, PIKI DEE HAKISI AKI:

• 

  Unfa Neeta, bi ta pooba u da Djeit degihati faa ko a wan u dee komakandi?

• 

  Faandi mbei u musu ta kai woto peleikima u de ko ku u a wan Bëibel studie fuu?

• 

  Un soni Djeit bi lobi, di Abiga seei bi lobi tu?

• Andi da wan soni di nama ku di peleikiwooko di wan baaa nasö wan sisa sa heepi i fii sa du möön bunu?