Lei dee studie fii u deseei ta lei soni u Bëibel

U dee sëmbë dee u ta lei soni u Bëibel sa ko taanga a di biibi, söseei u de go a fesi a di biibi, nöö na lei nöö u musu ta lei de dee tuutuu soni dee sikifi a Bëibel nöö a kaba (Mt 5:3; Heb 5:12–6:2). De musu lei tu unfa deseei sa ta lei soni u Bëibel.

Bigibigi kaa u musu lei dee sëmbë dee u ta lei soni u Bëibel, unfa de musu ta seeka te woo lei de soni, nöö da de taanga u de ta du ën (mwb18.03 bld. 6). Da de taanga u de ta bigi ku wan begi te deseei o lei soni u Bëibel. Heepi de u de sa feni dee soni di de abi fanöudu u lei soni u Bëibel a di website fuu nasö a di app fuu. Lei de unfa de sa ta feni dee njunjun soni dee ta ko a jw.org ku JW Broadcasting^®. Lei de tu u de ta lesi di Wöutu u Gadu hiniwan daka, u de ta seeka deseei da dee komakandi, söseei u de ta öndösuku soni u de sa ta feni dee piki u dee soni di de kë ko sabi. Heepi de u de ta pakisei fundu u dee soni di de ta lei.

LUKU DI FËLÖN HEEPI DEE STUDIE FII U DESEEI TA LEI SONI U BËIBEL, NÖÖ BAKA DI DË, PIKI DEE HAKISI AKI:

• 

  Unfa Neeta bi heepi Djeit faa si taa te a ta lei soni u Bëibel, nöö na piki nöö a musu ta piki dee hakisi nöö a kaba?

• 

  Andi bi heepi Djeit faa bi ko fusutan taa Jehovah abi di leti u buta taa wan womi ku wan mujëë musu tööu ufö de sa duumi ku deseei?

• 

  Andi Djeit bi ko fusutan u di pakisei di a musu ta pakisei fundu u dee soni dee a ta lei?