DI LIBI FUU KUMA KEESITU SËMBË

I dë seekaseeka ee sëmbë bigi hopo ta ligei a di köndë u?

U di di kaba u di goonliba aki zuntu, mbei u sabi taa sëmbë o ta hopo ta ligei a so köndë, sëmbë o ta du gaan hogi, söseei möönmöön köndë ku köndë o ta feti (Ako 6:4). Unfa u sa seeka a fesi da dee lö soni aki?

Mbei di biibi fii ko möön taanga: Suku mama wëti ku Bëibel woto dee sa heepi i fii möön futoou Jehovah ku di ölganisaasi fëën, söseei di o heepi i fu ja tei sëmbë së (Nön 12:5; jr-SR bld. 166-167 pal. 23-24). Nöunöu kaa u musu mbei möiti fuu ko dë gaan mati ku dee baaa ku dee sisa u di kemeente.—1Pe 4:7, 8
Seeka soni di joo abi fanöudu: Seeka wan kamian a fesi ka joo go tjubi, söseei seeka soni di joo abi fanöudu. Söseei seeka soni a fesi ee a ko pasa taa i musu go disa i wosu. Luku ee dee möön fanöudu soni dë a di tasi fii, söseei buta soni u bisi a maun, u bisi tapa nusu ku buka, söseei buta möni tu. I musu abi soni u sa bëli dee baaa, söseei i musu dë seiki taa dee baaa o sa bëli i tu.—Jes 32:2; g17.5-O bld. 3-7

Ee sëmbë hopo ta ligei a di köndë, tökuseei i musu ta du dee soni dee i guwenti u du a di dini u Jehovah (Fp 1:10). Ee na wan gaan hogi hën pasa, nöö a bi o bunu fii ja ta foloisi nango ta ko (Mt 10:16). I musu paati soni u njan ku woto soni ku wotowan.—Lo 12:13

LUKU DI FËLÖN I DË SEEKASEEKA EE WAN GAAN HOGI O PASA U?, NÖÖ BAKA DI DË, PIKI DEE HAKISI AKI:

Unfa Jehovah sa heepi u ee wan gaan hogi ko pasa?
Andi ku andi u sa du u seeka useei a fesi?
Unfa u sa heepi wotowan te wan gaan hogi pasa a di pisiwata ka de ta libi?