Dë seekaseeka a dee lasiti pisi u „dee lasiti daka”

Hii fa u ta hoi dou a dee lasiti pisi u dee lasiti daka aki, u sabi taa woo ta abi möön bookohedi (2Ti 3:1; nwtsty möön soni di i sa ko sabi u Mt 24:8). Te wan gaan hogi pasa, nöö hii juu dee sëmbë u Jehovah ta feni heepi a di soifi ten, söseei de ta da de lai di ta tjubi de libi. Ee u kë fika a libi a di ten dë, nöö u musu seeka useei nöunöu kaa. U musu ko abi wan taanga biibi, söseei u musu seeka woto soni di woo abi fanöudu. ​—Lu 16:10.

• Seeka di biibi fii: Ko abi di guwenti u ta du soni di nama ku di dini u Gadu. Lei u du di peleikiwooko a peipei fasi. Ja musu panta ee i ku dee woto sëmbë u di kemeente an dë makandi u wan pisiten (Jes 30:15). Hii juu Jehovah ku Jesosi dë a i bandja, ja dë i wanwan.​—od-SR bld. 176 pal. 15-17

• Seeka soni di joo abi fanöudu: Te a nama ku di tasi di u musu abi te wan gaan hogi pasa, nöö hiniwan wosudendu musu buta soni u njan, deesi soni, wata, ku soni u duumi a di tasi dendu ee a ko pasa taa un musu duumi a wan woto kamian u wan pisiten.​—Nön 22:3; g17-O 5 bld. 4, 6

LUKU DI FËLÖN I DË SEEKASEEKA EE WAN GAAN HOGI O PASA U?, NÖÖ BAKA DI DË, PIKI DEE HAKISI AKI:

• 

  Andi u sa du fuu sa abi wan taanga biibi te wan gaan hogi o pasa?

• 

  Faandi mbei a dë fanöudu u . . .

  • dee gaanwomi sabi hii soni fuu ufö wan gaan hogi pasa?

  • seeka wan tasi buta ku deesi soni a dendu?

  • luku un pei hogi sa pasa a di pisiwata fii, nöö i seeka a fesi da di lö hogi dë?

• 

  Andi da dii fasi fa u sa heepi wotowan te wan gaan hogi pasa?

HAKISI ISEEI DI SONI AKI: Andi mi sa lei te a nama ku di seeka di u musu ta seeka soni a fesi, te u luku di COVID-19 siki di ko aki?